भूमि व्यवस्था मन्त्रालयद्वारा गुठी विधेयक फिर्ता; जनतामा केही असन्तुष्टि छ भने सरकार छलफल गर्न तयार- प्रधानमन्त्री
काठमाडौं असार ३ गते । सरकारले गुठीसम्बन्धी कानूनलाई एकीकरण र संशोधन गर्न बनेको विधेयक, २०७५ फिर्ता लिएको छ ।
भूमि व्यवस्था, सहकारी तथा गरीबी निवारणमन्त्री पद्माकुमारी अर्यालले आज मन्त्रालयमा आयोजित पत्रकार सम्मेलनमा विधेयकलाई लिएर विभिन्न जनसमुदायमा विभिन्न भ्रम उत्पन्न गर्ने, उत्तेजित पार्ने र वातावरणलाई बिथोल्ने कोशिश भएकाले सरोकार पक्षसँग थप छलफल र परामर्श गर्न आवश्यक देखिएको जनाउँदै विधेयक फिर्ता लिइएको जानकारी दिनुभयो ।
सो विधेयक राष्ट्रियसभामा पेश भएको थियो ।
जनतामा केही असन्तुष्टि छ भने सरकार छलफल गर्न तयार- प्रधानमन्त्री
प्रधानमन्त्री केपी शर्माले सरकार सबैको कुरा सुन्न तयार रहेको र आवेग र उत्तेजनामा नआउन आग्रह गर्नुभएको छ ।
सिंहदवारमा अपरान्ह अयोजित विशेष पत्रकार सम्मेलनमा प्रधानमन्त्रीले सो आग्रह गर्नुभएको हो ।
प्रत्रकार सम्मेलमा प्रधानमन्त्रीले भन्नुभयो–यो सरकार जनताले चुनेको सरकार हो त्यस कारण जनतामा केही असन्तुष्टि छ भने सरकार छलफल गर्न तयार छ ।
उहाँले अगाडि भन्नुभयो–हामीले पटक पटक लडेर लोत्रतन्त्र ल्यायौं तर हामीलाई भट्काइ भट्काइ लोकतन्त्र टिक्न दिइएन । साथै प्रधानमन्त्रीले अगाडि भन्नुभयो –म राजनीतिक शक्तिलाई आग्रह गर्न चहान्छु आवेग उत्तेजना र भावनामा नबगौं ।
उहाँले सञ्चार लोकतन्त्रको पिलर भएको र त्यस काराण चौथो अङ्ग भनिएको भन्दै सञ्चार मध्यमहरूमा प्रयोग हुने भाषाले नेपाली समाजको मूल्य मान्यतालाई प्रतिनिधित्व गर्न नसकेको बताउनुभयो ।