वर्षामा पनि रोमाञ्चक ¥याफ्टिङ
शान्ति लामा / सिन्धुपाल्चोक, साउन २७ गते । बालबालिकाका लागि काम गर्ने एक स्वयंसेवी संस्थाका अभियन्ता हुनुहुन्छ, काँडाघारीका मदन पौडेल । प्रायः काममा नै व्यस्त हुने उहाँ बेलाबेला घुमफिर गर्न रुचाउनुहुन्छ । विशेष गरी साहसिक खालका पर्यटन गतिविधिमा रुचि राख्ने पौडेल शनिबार भोटेकोसीको एक ¥याफ्टिङमा भेटिनुभयो ।
भोटेकोसी नदीका सिन्धुपाल्चोकको चेहेरेमा ¥याफ्ट बोर्डबाट झर्दा उहाँ निकै रोमाञ्चित हुनुहुन्थ्यो । वर्षाको धमिलो नदीमा ¥याफ्टिङ गरेको यो पहिलो अनुभव हो, उहाँले भन्नुभयो, ¥याफ्टिङ निकै रोमाञ्चक भयो । केही समयअघि परिवार र साथीभाइसहित ¥याफ्टिङ गरेको बताउने उहाँ यसपटक भने एक्लै आउनुभएको थियो ।
मकवानपुर, हेटौँडा घरभएकी न्यान्सी गोलेले बचपनमा कहिल्यै खोला र नदीको पानीसँग खेल्न पाउनुभएन । त्यसैले नदीसँग निकै डर लाग्थ्यो तर यसपालि भोटेकोसी नदीमा ¥याफ्टिङ गरेपछि भने नदीको बगेको पानीप्रति उहाँको धारणा नै परिवर्तन गराइदियो । खोला भन्नेबित्तिकै त्यसले बगाउँछ भनेर कहिल्यै नजिक गइएन,
चेहेरेमा ¥याफ्ट बोर्डबाट झर्दै उहाँले भन्नुभयो, खासमा पानीसँग हामीले ठीक तरिकाले खेल्न नजान्दा रहेछौँ । नदी तथा खोलामा गरिने ¥याफ्टिङजस्ता साहसिक गतिविधिको सुरक्षा प्रणालीबारे बुझेर गए साहसिक मानिने गतिविधि पनि रोमाञ्चक हुने उहाँको अनुभव छ ।
भोटेकोसीमा ¥याफ्टिङ इभेन्टमा यी दुई युवाजस्तै अनुभव भएका र नभएका युवाहरूको लर्काे लाग्ने गरेको छ । विशेष गरी सहरी युवामाझ ¥याफ्टिङ लोकप्रिय हुँदै गएको बताउनुहुन्छ, ¥याफ्टिङ स्टारका सञ्चालक दीपककुमार राई । पछिल्लो समय साहसिक पर्यटनमा युवाको आकर्षण लोभलाग्दो रहेको उहाँको भनुभव छ ।
¥याफ्टिङ स्टारले नियमित रूपमा हरेक शुक्रबार र शनिबार नेपालीलाई लक्षित गरी ¥याफ्टिङ इभेन्ट आयोजना गर्दै आएको छ । उहाँले भन्नुभयो, पछिल्ला चार वर्षयता धेरै युवाका लागि सप्ताहान्तको बिदालाई सदुपयोग गर्ने नयाँ तरिका ह्वाइटवाटर ¥याफ्टिङ बन्न थालेको छ ।
विशेष गरी भोटेकोसी, सुनकोसी, त्रिशूलीमा सञ्चालन गरिने एकदिने ¥याफ्टिङमा नेपाली ¥याफ्टिङप्रेमीको आकर्षण रहेको राईले बताउनुभयो । नेपालीहरु फागुनदेखि जेठसम्मको मौसममा ¥याफ्टिङ गर्न रुचाउने गरेको व्यवसायी बताउँछन् ।
असारदेखि भदौसम्म नदीमा आउन सक्ने बाढीका कारण असुरक्षित हुने डरले नेपालीले ¥याफ्टिङ गर्न नरुचाउने गरेको रिभर (¥याफ्टिङ) गाइड मानदेव राईको भनाइ छ तर ठूला नदीको माथिल्लो तटमा पोखरी, हिमताल फुटेर आउने बाढी र ठूला पहिरो गएको अवस्थाबाहेकको अवस्थामा भने वर्षात्को मौसममा ¥याफ्टिङ गर्नु कुनै खतरा नहुने उहाँले बताउनुभयो ।
नेपालका नदी साहसिक गतिविधिका लागि विश्वमै प्रसिद्ध छन् र यसले पर्यटन प्रवद्र्धन गर्न सहयोग गरिरहेको छ । २५ वर्षदेखि ¥याफ्टिङ गाइड गर्दै आउनुभएका दीपककुमार राईका अनुसार केही वर्ष पहिलेसम्म धेरैजसो ¥याफ्टिङ गर्नेमा विदेशी मात्र हुने गरेका थिए ।