चीनमा फलफूल निर्यात गरिने

काठमाडौँ, असोज २७ गते । नेपाल सरकारले नेपालमा उत्पादन हुने जुनार र सुुन्तलाजन्य फलफूल चीन निर्यात गर्ने भएको छ ।

नेपाल र चीनबीच आइतबार भएको २० बुँदे सम्झौताअनुसार जुनार र सुन्तलाजन्य फलफूललाई नेपालले स्वच्छताको प्रमाणपत्र दिएपछि चीन निर्यात गर्न सकिन्छ । कृषि तथा पशुपक्षी विकास मन्त्रालयका सचिव डा.युवकद्धज जिसीका अनुसार नेपालमा जुनार तथा सुन्तलाजन्य फलफूलको ‘कोल्ड ट्रिटमेन्ट’ गरेर क्वारेन्टाइनलले प्रमाणपत्र जारी गरेपछि चीन निर्यात गर्न सकिने भएको छ ।

पहिला अलि झन्झिटिलो थियो । चीनको क्वारेन्टाइनले नेपालको जुनार र सुन्तालालाई स्वच्छ मानिरहेको थिएन ।

अब नेपालले दिने प्रमाणपत्रको आधारमा स्वीकृत दिने भएको छ, सचिव जिसीले बताउनुभयो । उहाँले जुनार र सुन्तला निर्यातका लागि सिन्धुली र रामेछापलाई लक्षित गरेको बताउनुभयो । चीन निर्यात गर्ने गरी उत्पादन छैन तर अब निर्यातको ढोका खुलेपछि उत्पादनमा जोड दिने सचिव जिसीले बताउनुभयो ।

आर्थिक वर्ष २०७३÷०७४ देखि जुनार सुपर जोन लागू भएपछि जुनार खेती गर्नेको सङ्ख्या बढेको छ । यी जातका अमिलो फलफूल सिट्रस वर्गमा पर्छ । यसको उत्पादन विशेष गरी रामेछाप सिन्धुली, धनकुटा, बैतडी, डोटी, डडेलधुरा, ओखलढुङ्गा, लम्जुङ, पाल्पालगायतका जिल्लामा हुन्छ । कागती, सुन्तला र जुनारजन्य फलफूलको बीमा हुन थालेपछि किसानले केही राहत पाएका छन् । कृषि विभागका महानिर्देशक सूर्यप्रसाद पौडेलका अनुसार जुनार सुन्तलाजन्य फलफूलको खेती ४४ हजार ४२४ हेक्टरमा हुन्छ । त्यसमध्ये २५ हजार ९२४ हेक्टरमा मात्र उत्पादन हुन्छ । यो प्रतिहेक्टर साढे नौ मेट्रिक टन उत्पादन हुन्छ ।

Related News

Comments are closed

TOP NEWSview all

Nepal beats Netherland By 9 wickets

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter