नेपाल फोटो प्रतियोगिता २०७६ घोषणा

काठमाडौँ, पुस २० गते । फोटो जर्नालिस्ट क्लब नेपालले नेपाल फोटो प्रतियोगिताको सातौँ संस्करण ‘नेपाल फोटो प्रतियोगिता– २०७६’ घोषणा गरेको छ । क्लबले २० पुस आइतबार एक कार्यक्रम आयोजना गरी प्रतियोगिताको घोषणा गरेको हो ।

ग्लोबल आइएमई बैंक एवं आइएमई ग्रुपका अध्यक्ष चन्द्र ढकालले नेपाल फोटो प्रतियोगिता–२०७६ सुुरु भएको घोषणा गरेका हुन् । आफूले खिचेको फोटो प्रतियोगितामा समावेशका लागि अनलाइन इन्ट्री गरेर उनले प्रतियोगिताको सुरुवात गरेका थिए ।

विभिन्न सात विधामा प्रतिस्पर्धा गराइने प्रतियोगितामा भाग लिन चाहने प्रतियोगीले आइतबारबाटै फोटो दर्ता गराउन सक्नेछन् । क्लबको आधिकारिक वेबसाइट www.pjclub.com.np वा www.npc.photonepal.trevel मा गएर दिइएको निर्देशनअनुसार फोटो दर्ता गर्न सकिने क्लबले जनाएको छ ।

प्रतियोगितामा व्यावसायिक एवं सौखिन सबैखाले फोटोग्राफर तथा फोटो पत्रकार सहभागी हुन पाउने छन् । प्रतियोगितामा विदेशी नागरिक तथा विदेशमा खिचिएको फोटो भने सहभागी गराउन नपाइने क्लबले जनाएको छ । तर, खेलकुद विधाको हकमा भने नेपाल बाहिर खिचिएको तस्बिर पनि समावेश गराउन पाइने छ । फोटोमा नेपाली वा नेपाल झल्कने विषय कतै न कतै देखिएको हुनुपर्ने प्रतियोगिताको दर्ता प्रक्रिया १७ माघको मध्यरात १२ बजे बन्द हुनेछ ।

कार्यक्रममा गत वर्षको फोटो प्रतियोगितामा समावेश फोटोहरूको संग्रह पुस्तक नेपाल ल्याण्ड अफ कन्ट्रास्ट–‘भी’ पनि लोकार्पण गरिएको थियो ।

Related News

Comments are closed

TOP NEWSview all

Kami Rita scales Everest 25 times; Tourism Ministry appeals not to disseminate fake information

Humla section of Karnali Corridor built in timeframe

Nepal’s Kushal Bhurtel nominated for ICC Men’s Player of the month award

Nepal climbs a notch up in T-20 ranking and ranked 13th

US pledges $8.5 million to Nepal to fight against COVID-19 pandemic




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter