यती समूहद्वारा दरबारमार्गमा निर्माणाधीन भवनको काम रोक्न अदालतको आदेश
काठमाडौं, पुस २५ गते । दरबारमार्गस्थित नेपाल ट्रस्टको केन्द्रीय कार्यालयको जग्गामा यती समूहले निर्माण गरिरहेको भवनको काम रोक्न उच्च अदालत पाटनले अल्पकालिन अन्तरिम आदेश दिएको छ ।
उच्च अदालतका मुख्यन्यायाधिश नहकुल सुवेदीको एकल इजलासले ट्रष्टले यति समूहसंग गरेको सम्झौतामा त्रुटीपूर्ण देखिएको भन्दै यस्तो आदेश दिएको हो । दुवै पक्षलाई छलफलका लागि आउँदो माघ १ गते अदालतले बोलाएको छ ।
यति समूहलाई अवैधानिक रूपमा ३० वर्षका लागि लिजमा दिएको दाबी गर्दै उच्च अदालत पाटनमा अधिवक्ता परिवर्तन राईले रिट दायर गरेका थिए । मासिक चार लाख १६ हजार ६ सय रुपैयाँ भाडा पाउने गरी ट्रस्टले दरबारमार्गस्थित एक रोपनी १४ आना जग्गा यती एयरलाइन्सको भगिनी संस्था थामसेर्कु ट्रेकिङ प्रालिलाई दिँदा राज्यलाई पाँच अर्ब नोक्सान भएको रिटमा दाबी गरिएको थियो ।
त्यस्तै अदालतले यस विषयलाइ सार्वजनीक महत्वकाे विषयका साथै कानूनी प्रश्नलाइ दृष्टिगत गरि सुनुवाइमा एमिकस क्युरी समेत गठन गर्न माग गरेकाे छ । त्यसका लागि दुइ जना बरिष्ठ अधिवक्ता वा अधिवक्ता पठाउन उच्च अदालत बार एसाेसिएसनकाे सहयाेग समेत मागेकाे छ ।