नर्सिङ क्षेत्रका धेरै समस्याहरु समाधान गरिन्छ–जनसंख्या मन्त्री ढकाल
काठमाडौं, माघ १५ गते । स्वास्थ्य तथा जनसंख्या मन्त्री भानुभक्त ढकालले नर्सिङ क्षेत्रमा धेरै समस्याहरु रहेको बताउनुभएको छ ।
५८ नर्सिङ दिवसको अवसरमा नेपाल नर्सिङ संघले आयोजना गरेको कार्यक्रममा मन्त्री ढकाललेनर्सिङ क्षेत्रमा धेरै समस्याहरु बताउनुभयो ।
कुनै पनि पक्षधरतामा नपरी काम गर्ने उल्लेख गर्दै उहाँले कामको आधारमा मुल्याङ्कन गरिने बताउनुभयो । स्वास्थ्य क्षेत्रका सबै विषयलाई पारदर्शी बनाउनेतर्फ लागिरहेको भन्दै उहाँले नर्सहरुको भावनाको प्रतिनिधित्व हुने गरी काम गर्ने बताउनुभयो । औषधि, औजार, उपकरण खरिदलगायतका विषयमा अनियमितता हुने गरेको भन्दै मन्त्री ढकालले स्वास्थ्य क्षेत्रमा हुने गरेका अनियमिततालाई समेत रोक्ने बताउनुभयो । उहाँले सरकार र प्रतिष्ठानबीचको विभेद अन्त्य हुदै गएको बताउनुभयो । आफू स्वास्थ्य मन्त्रालय प्रवेश गर्दा विगारेको थुप्रो माथि आएको भन्दै त्यसलाई सपार्ने काम भइरहेको बताउनुभयो ।
कार्यक्रममा नेपाल नर्सिङ संघकी अध्यक्ष मनकुमारी राइले नर्सहरुका समस्याहरु समाधान गरिनुपर्ने बताउनुभयो । उहाँले अझै पनि नर्सहरु सात,आठ हजारमा काम गर्न बाध्य भएको भन्दै सरकारले तोकेको न्युनतम ज्यालासमेत नपाएको उल्लेख गर्नुभयो । उहाँले बेरोजगारको समस्याले धेरै नर्सहरु विदेशिन बाध्य भएको बताउनुभयो ।