पुष्पलाल (मध्यपहाडी) राजमार्गमा ७३ पुल निर्माण

काठमाडौँ, माघ २४ गते । पुष्पलाल (मध्यपहाडी) राजमार्गमा ७३ पुल निर्माण भएको छ । आयोजनाको शुरु विन्दु पाँचथर जिल्लाको चियोभन्ज्याङदेखि अन्तिम विन्दु बैतडीको झुलाघाटसम्म १२६ पुल निर्माण गरिनेमा हालसम्म ७३ सम्पन्न भइसकेको हो ।

मध्यपहाडका २६ जिल्लाका २१५ बस्ती जोड्दै निर्माण हुने यस सडकबाट मध्यपहाडका करीब एक करोड जनता लाभान्वित हुने आयोजनाको अनुमान छ । सो सडकमा १९ पुल निर्माणाधीन रहेको सडक विभाग पुल महाशाखाले जनाएको छ ।

हालसम्म ३७ पुल निर्माणका लागि ठेक्का सम्झौता हुन बाँकी रहेको महाशाखाका प्रमुख दीपक भट्टराईले बताउनुभयो । निर्माणका लागि ठेक्का सम्झौता पुलमध्ये चारवटामा समस्या भएकाले ठेक्का तोड्ने प्रक्रिया अघि बढाइएको उहाँको भनाइ थियो ।

उहाँले भन्नुभयो, “तीनवटा पुलको ठेक्का तोड्न सूचना जारी भइसकेको छ, अर्काे एउटा सूचना गर्ने तयारी छ ।” यो राजमार्ग सरकारले आव २०६९/७० मा राष्ट्रिय गौरवको आयोजना घोषणा गरी प्राथकिताका साथ अघि बढाएको हो । आव २०६४÷६५ बाट निर्माण शुरु गरिएको मध्यपहाडी लोकमार्ग २०७८/७९ मा सम्पन्न गर्ने लक्ष्य छ ।

राजमार्र्गको कूल लम्बाइमध्ये करीब एक हजार किमी आयोजना स्थापना हुनुअघि नै निर्माण भएर सञ्चालनमा रहेको पुरानो सडक हो । झण्डै ८७९ किमी नयाँ ट्र्याक खोली सडक निर्माण गर्ने कार्य साथै आयोजना स्थापना हुनुअघि निर्माण भएर सञ्चालनमा रहेका सडकलाई मध्यपहाडी राजमार्गको स्तरमा स्तरोन्नतिको काम भइरहेको छ । रासस

Related News

Comments are closed

TOP NEWSview all

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter