सहकारीको बचतलाई छुट्टै व्यबस्था गर्न लागेका छौं–मन्त्री अर्याल

काठमाडौं माघ २८ गते । भूमि व्यवस्था, सहकारी तथा गरीबी निवारण मन्त्री पद्यमाकुमारी अर्यालले सहकारी ऐन २०७४ संशोधन गर्न मन्त्रालयले आवश्यक तयारी गरिरहेको बताउनुभएको छ ।

सहकारी मार्फत उद्यमशीलता विकास राष्ट्रिय कार्यशाला गोष्ठीलाई मंगबार काठमाडौंमा सम्बोधन गर्दै सहकारीको बचतलाई छुटटै व्यवस्था गर्न लागेको समेत मन्त्री आर्यालले जानकारी दिनुभयो ।

मन्त्री अर्यालले कृषिको व्यवसायीकरण र यान्त्रीकरण गर्ने माध्यम सहकारी भएकोले स्थानीय तहले सहकारीलाई प्रोत्साहित गर्ने कार्यक्रम ल्याउन आग्रह समेत गर्नुभयो । उहाँले हिजोका दिनमा मानिसलाई जागरण गर्न आवश्यक रहेकोमा अब देश विकास गर्न परिणाममुखि काम गर्न जरुरी रहेको बताउनुभयो ।

आज र भोलि काठमाडौंमा चल्ने कार्यशाला गोष्ठीमा विभिन्न जिल्लाबाट सहकारीका सञ्चालक र सहकारी अभियान्ता बीच सहकारी मार्फत उद्यमशीलता विकास कसरी गर्न सकिन्छ भन्ने विषयमा छलफल भईरहेको छ ।

यस कार्यक्रमको अवसरमा सहकारी अभियान्ता केशवप्रसाद बडालको सहकारी स्वायत्तता र स्वतन्त्रता पुस्तक विमोचन समेत भएको छ । पुस्तकको बारेमा विभिन्न व्यक्तित्वले समीक्षा गर्नुभयो । राष्ट्रिय सहकारी महासंघका उपाध्यक्ष रमेशप्रसाद पोखरेलले सहकारी अभियान्तामा लागेका वा सहकारी सम्बन्धी जानकारी लिन चाहनेको लागि यो पुस्तक उपयोगी रहेको बताउनुभयो ।

Related News

Comments are closed

TOP NEWSview all

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts

NTA’s Broadband Internet connected to 75 percent of target areas




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter