नीति तथा कार्यक्रमबारे स्वास्थ्यमन्त्रीद्वारा सांसदसँग छलफल
काठमाडौं, वैशाख २३ गते । स्वास्थ्य तथा जनसंख्या मन्त्री भानुभक्त ढकालले स्वास्थ्य मन्त्रालयको तर्फबाट नीति तथा कार्यक्रममा समेट्नु पर्ने विषय र बजेटका सन्दर्भमा दुबै सदनका सांसदहरूसँग सुझाव लिनु भएको छ । यसअघिका स्वास्थ्यमन्त्रीले भन्दा पृथक ढंगलले मन्त्री ढकालले सोमबारबाट प्रतिनिधसभाका सदस्यहरूसँग स्वास्थ्य मन्त्रालयसँग सम्बन्धित विषय जनताको तर्फबाट निर्वा्चित भएका दशैभरका प्रतिनिधिसँग सुझाव लिन सुरू गर्नुभएको हो । मन्त्री ढकालले बुधबारमात्रै चार प्रदेशका सांसदहरूसँग स्वास्थ्य क्षेत्रको बारेमा सुझाव लिनुभएको हो । उहाँले सुदुरपश्चिम, कर्णाली, प्रदेश ५ र गण्डकी प्रदेशबाट प्रतिनिधित्व गर्ने सांसदहरूसँग सोमबार सुझाव लिनुभएको स्वास्थ्य तथा जनसंख्या मन्त्रीका प्रेस सल्लाहकार माधव प्रसाद तिवारीले जानकारी दिनुभयो ।
मन्त्रालयको हलमा चारै प्रदेशका प्रतिनिधि सभाका सदस्यहरूसँग छुट्टाछुट्टै छलफल गरी सुझाव लिनुभएको हो । मन्त्री ढकालले सांसदहरूको अपनत्व बढाउन र सबै प्रतिनिधिको सुझाव समेट्नका लागि छलफल गरेर सुझाव संकलन गरेको बताउनुभएको छ । उहाँले स्वास्थ्य क्षेत्रको सुधारका निम्ति सबैको सुझाव मार्गदर्शक बन्ने भन्दै सुझावका लागि सांसदहरूलाइ धन्यवाद समेत दिनुभएको छ । मंगलबार बागमती प्रदेश भित्रका प्रतिनिधिसभाका सदस्यहरूसँग सुझाव लिने कार्यक्रम रहेको छ ।
सुझावका क्रममा सांसदहरूले भएका अस्पतालहरूको स्तरोन्ती गर्न सुझाव दिएका छन । त्यस्तै जनशक्तिको व्यवस्थापनमा ध्यान दिँदै एक पालिका एक अस्पतालको नीति कडाइका साथ लागू गर्न सुझाव दिएका छन । सुझावका लागि राष्ट्रियसभामा सत्तापक्षका नेता रहनु भएका दिनानाथ शर्मा, उद्योगमन्त्री लेखराज भट्ट र वनमन्त्री शक्ति बस्नेतले सिमेत मन्त्रालयमै उपस्थित भएर सुझाव दिनुभएको थियो ।
सुझाव दिँदै वनमन्त्री शक्ति बस्नेतले स्वास्थ्य बीमा अनिवार्य सहभागी हुने बाध्यात्मक प्रावधान ल्याउन अनुरोध गर्नुभयो । उहाँले गरिबका रेखामुनी रहेका जनताको हकमा कसरी सहभागी गराउने भन्ने विषयमा पनि सोचिनु पर्ने बताउनुभयो । त्यस्तै कञ्चनपुरबाट प्रतिनिधित्व गर्ने सांसद दीपक भट्टले सबै प्रदेशमा कम्तिमा एउटा ट्रमा सेन्टर स्थापना गर्न अनुरोध गर्नुभयो ।
राष्ट्रियसभामा सत्तापक्षका सचेतक समेत रहनु भएका सांसद खिमलला भट्टराइले कोरोना रोगले स्वास्थ्य क्षेत्रमा व्यापक सुधारका निम्ति एउटा अवसर समेत प्रदान गरेको भन्दै चुनौतिका बीचमा दीर्घकालीन सोच राखेर कामा गर्नुपर्ने बताउनुभयो । उहाँले पहिलो कोरोना संक्रमितको प्रयोगशाला पुष्टिका लागि हङकङ पठाउन परेको सम्झदै यही बीचमा स्वास्थ्य मन्त्रीज्यूले कुशलता पूर्वक सबै प्रदेशमा केन्द्रीय प्रयोगशालाको क्षमताकै ल्याबहरू विस्तार गरेको भन्दै मन्त्रालयलाइ धन्यवाद दिनुभयो ।
सांसद हरि अधिकारीले कोरोना रोकथामका लागि स्वास्थ्य तथा जनसंख्या मन्त्रालयले सीमित स्रोत र साधनका बीचमा अदभूत काम गरेको भन्दै अब वस्तुगत स्वास्थ्य नीति तयार गरेर काम गर्नुपर्ने बताउनुभयो । उहाँले नयाँ अस्पतालहरू बनाउँदा वस्तीभन्दा पर बनाउनुपर्ने भन्दै भन्दा बढी औषधि उद्योगहरूको स्थापनाका लागि अनुरोध गर्नुभयो ।