कपिलवस्तु र रुपन्देही र बर्दियामा थप १३ जनामा कोरोना पुष्टि, कुल १३४; स्वाब परीक्षण बढाइयो, २४ घण्टामा २८ सयको जाँच
काठमाडौं, वैशाख २९ गते । पछिल्लो कोरोना परीक्षण रिपोर्टअनुसार कपिलवस्तु र रुपन्देहीमा थप १३ जनामा कोरोना पुष्टि भएको छ । योसँगै कोरोना सङ्क्रमित सङ्ख्या १३४ पुगेको स्वास्थ्य मन्त्रालयले जनाएको छ ।
संक्रमित हुनेमा ६ जना कपिलबस्तुका अर्का ६ जना रुपन्देहीका पुरुष र बर्दिया कि ११ वर्षिया महिला रहेको स्वास्थ्य मन्त्रालयले जनाएको छ ।
संक्रमित पुष्टि भएकामा कपिलबस्तु यशोधारा गाउँपालिका ८ र बुद्दमूमि नगरपालिका ७ निवासी १५,१९,२३, ३०, ३२ र ४० वर्षीय ६ जना पुरुष रहेका छन् त्यस्तै रुपन्देही समरीमाई गाउँपालिका ७ र लुम्बिनी र्संस्कृतिक गाउँपालिका ६ निवासी २४,२६,२७, ३०, ३२ र ४० वर्षीय ६ जना पुरुष रहेका छन् । त्यस्तै अर्को बर्दिया राजपुर ५ निवासी ११ वर्षीया महिलामा संक्रमण देखिएको छ । उहाँहरुको टेकु स्थित राष्ट्रिय प्रयोगशालमा स्वाबको परीक्षण गरिएको र उहाँहरुको स्वास्थ्य अबस्था सामान्य रहेको बताइएको छ । उहाँहरू चिकित्सककाे सम्पर्कमा हुनुहुन्छ ।
स्वाब परीक्षण बढाइयो, २४ घण्टामा २८ सयको जाँच
कोरोनाको आशङ्कामा पछिल्लो २४ घण्टामा २ हजार ७ सय ९९ जनाको नमूना परीक्षण गरिएकाे छ । स्वास्थ्य तथा जनसंख्या मन्त्रालयले आयोजना गर्ने नियमित पत्रकार सम्मेलनमा नेपालमा हालसम्म पिसिआर र आरडिटी गरी ७६ हजार ३ सय ५५ जनाको कोरोनाको परीक्षण भएको स्वास्थ्य तथा जनसंख्या मन्त्रालयले जनाएको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले १७ हजार ८ सय जनाको पिसिआर र ५८ हजार ५ सय ४६ जनाको आरडिटीबाट परीक्षण भएको जानकारी दिनुभयो ।
हालसम्म नेपालमा १२१ जनामा कोरोना सङ्क्रमण देखिएको छ । जसमध्ये ३३ जना उपचारपछि डिस्जार्च भइसकेका छन् । दुईजना आइतबार साँझ डिस्चार्ज भएका हुन् । देवकोटाले कोरोनाको आशङ्कामा काठमाडौँ उपत्यकामा एक र बाहिर एक सय ५२ गरी १५३ जना अस्पतालको आइसोलेसनमा रहेको बताउनुभयो । उहाँले १२ हजार ७०१ जना क्वारेन्टाइनमा राखिएको जानकारी दिनुभयो ।
उहाँले सबैभन्दा धेरै सङ्क्रमित प्रदेश नम्बर ५ मा देखिएको देखिएको बताउनुभयो । त्यहाँ ४० जना सङ्क्रमित छन् । यस्तै प्रदेश नम्बर १ मा ३५,प्रदेश नम्बर २ मा ३१, बाग्मती प्रदेशमा ७, गण्डकी प्रदेशमा २ र सुदुरपश्चिममा ५ जनालाई कोरोना सङ्क्रमणको पुष्टि भएको छ । वीरगञ्जमा २८, विराटनगरमा १९, रुपन्देहीमा १६, नेपालगञ्जमा २४ र भरतपुरमा १ गरी ८८ जना सामान्य अवस्थामा उपचाररत हुनुहुन्छ ।