काठमाडौं र वीरगन्जका तीन बालकसहित थप नाैजनामा कोरोना संक्रमण, संक्रमितको संख्या दुई सय ६७ पुग्यो
May 15, 2020 | 10:27 pm
काठमाडाैँ, जेठ २ गते । काठमाडौं र वीरगन्जका तीन बालकसहित थप नाैजनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार शुक्रबार साँझ पर्सा वीरगन्जका नाै र १० वर्षका बालक तथा २३ र ४७ वर्षका महिला, काठमाडौं सतुंगलका सात वर्षका बालक, उदयपुर त्रियुगाका २५ वर्षीय पुरुष, दाङको गढवा र तुलसीपुरका २३, ३६, ३४ वर्षका पुरुषमा कोरोना पुष्टि भएको हो ।
योसँगै नेपालमा कोरोना संक्रमितको दुई सय ६७ पुगेको छ । मन्त्रालयका सहप्रवक्ता डा. समीरकुमार अधिकारीका अनुसार उनीहरू सबैको स्वास्थ्य अवस्था सामान्य छ ।