थप २५ जनामा कोरोना पुष्टि, कुल सङ्ख्या ४२७ पुग्यो; कोरोना परीक्षण शुल्क तोकिसकेको छैनः स्वास्थ्य मन्त्रालय

काठमाडौँ, जेठ ७ गते । कोरोना भाइरसको पीसीआर परीक्षणमा थप २५ जनामा सङ्क्रमण पुष्टि भएको छ ।

यससँगै नेपालमा सङ्क्रमित सङ्ख्या ४२७ पुगेको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा प्रवक्ता डा. विकास देवकोटाले जानकारी दिनुभयाे ।

बाँकेमा ६, धनकुटामा ५, कपिलवस्तुमा १३ र नवलपरासी पश्चिममा एकजनालाई काेभिड -१९ पोजेटिभ देखिएको हो ।

अहिलेसम्म ३८ वटा जिल्लामा सङ्क्रमण देखिएको छ । संक्रमितहरु तीनवर्षदेखि ४८ वर्षसम्मका रहेका छन् । आज सात महिला र १८ पुरुषमा संक्रमण पुष्टि भएको छ ।

अहिलेसम्म ३५ हजार ४९४ पीसीआर परीक्षण र ७५ हजार ७२ आरडीटी परीक्षण भएको छ ।

कोरोना परीक्षण शुल्क तोकिसकेको छैनः स्वास्थ्य मन्त्रालय

निजी स्वास्थ्य संस्थार्माफत कोभिड १९ को परीक्षण शुल्कबारे चलिरहेको हल्ला गलत भएको स्वास्थ्य तथा जनसंख्या मन्त्रालयले जनाएको छ । कोरोनाको सशुल्क परीक्षणको हालसम्म दररेट तोकिनसकेको मन्त्रालयका सूचना तथा सञ्चार संयाेजक डा. गुणराज लोहनीले एक विज्ञप्तिमार्फत स्पष्ट पार्नुभएको छ ।

विभिन्न अनलाइन मिडियाहरुले निजी संस्थाबाट परीक्षण गराउन १५ हजार रुपियाँ शुल्क तोकिएको भनी समाचार सम्प्रेषण गरेको र यसैलाई आधार मानी सर्वसाधारणले व्यक्त गरेको प्रतिक्रियाहरूप्रति मन्त्रालयको ध्यानाकर्षण भएको डा. लोहनीले जारी गर्नुभएको विज्ञप्तिमा उल्लेख छ ।

सार्वजनिक अस्पतालहरूमा लामबद्ध भएर समय खेर फाल्न नचाहने र भिडभाडमा गएर जोखिम मोल्न नचाहने स्वदेशी तथा विदेशीहरूकाे अनुरोधमा नै मन्त्रालयले सशुल्क परीक्षणको व्यवस्था गर्न लागेको उहाँले स्पष्ट पार्नुभएको छ ।

सशुल्क परीक्षण गर्ने संस्थाहरूले परीक्षणका लागि तोकिएको सम्पूर्ण मापदण्ड पुर्याएकाे हुनुपर्ने जनाउँदै उहाँले यस प्रकारको परीक्षणको दररेट मन्त्रालयले तोकिदिने भएतापनि हालसम्म कुनै दररेट तोकी नसकेको विज्ञप्तिमा उल्लेख गर्नुभएको छ ।

परीक्षणको दायरा बढाउन गरिएको यस्तो व्यवस्थाका लागि के कति शुल्क लाग्ने, प्रयोगशाला कस्तो हुने, सुरक्षा प्रबन्ध कसरी अपनाउने लगायतका विषयमा छलफल र निर्णय हुन बाँकी नै रहेको उहाँले बताउनुभएको छ । यस्तो अवस्थामा यसबारे भ्रमपूर्ण समाचार सम्प्रेषण गरी समाजमा उत्तेजना फैलाउने कार्य भएमा कानुबमोजिम कारबाही गरिने मन्त्रालयले सूचित गरेको छ ।

यसअघि स्वास्थ्य तथा जनसंख्या मन्त्रीको अध्यक्षतामा जेठ ६ गतेको बैठकले स्वेच्छाले परीक्षण गर्न चाहने स्वदेशी र विदेशी नागरिकलाई राष्ट्रिय जनस्वास्थ्य प्रयोगशालाबाट तोकिएको मापदण्ड र सूचनाको गोपनीयता तथा नियमित रिपोर्टिङ गर्ने शर्तमा तोकिएको दररेटमा सशुल्क परीक्षण उपलब्ध गराउने भनी निर्णय भएको मन्त्रालयले जनाएको छ ।

Related News

Comments are closed

TOP NEWSview all

NRNA to supply Oxygen Concentrators to Nepal

Kami Rita scales Everest 25 times; Tourism Ministry appeals not to disseminate fake information

Humla section of Karnali Corridor built in timeframe

Nepal’s Kushal Bhurtel nominated for ICC Men’s Player of the month award

Nepal climbs a notch up in T-20 ranking and ranked 13th




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter