एक हजार ७४१ थपिए, चार हजार पाँच सङ्क्रमणमुक्त
काठमाडौं, कात्तिक १० गते । नेपालमा कोरोनाभाइरसका एक हजार ७४१ जना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा पाँच हजार छ जनाको आरटीपीसीआर परीक्षण गरिएको छ ।
स्वास्थ्य तथा जनसंख्या मन्त्रालयले कोभिड–१९ सम्बन्धी दैनिक विवरण अद्यावधिक गर्दै पछिल्लो चौबीस घण्टामा पाँच हजार छ जनाको आरटीपीसीआर परीक्षण गरिएकोमा एक हजार ७४१ जनामा सङ्क्रमणको पुष्टि भएको जनाएको हो । थपिएका सङ्क्रमितसँगै नेपालमा कुल सङ्क्रमित एक लाख ५९ हजार ८३० पुगेको छ । हाल ४३ ह्जार २९३ जनामा भाइरसको सङ्क्रमण सक्रिय रहेको छ ।
मन्त्रालयले पछिल्लो चौबीस घण्टामा चार हजार पाँच जना कोरोना सङ्क्रमित निको भएर घर फर्केका छन् । हालसम्म एक लाख १५ हजार ६७५ सङ्क्रमित निको भएर घर फर्केका छन् । त्यसैगरी, पछिल्लो चौबीस घण्टामा १५ जना सङ्क्रमितको मृत्यु भएको छ । यो सँगै कोरोनाभाइरसबाट मृत्यु हुनेको संख्या ८६२ पुगेको छ ।
काठमाडौं उपत्यकामा ८९४ मा सङ्क्रमणको पुष्टि
काठमाडौं उपत्यकामा पछिल्लो चौबीस घण्टामा कोरोनाभाइरसका ८९४ जना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार उपत्यकामा पछिल्लो चौबीस घण्टामा ८९४ जना सङ्क्रमित थपिएका हुन् ।
मन्त्रालयले उपत्यकाका तीन जिल्लामा ५१५ पुरुष, र ३८० महिला सङ्क्रमितको पहिचान गरिएको जनाएको छ ।