पर्यटनमन्त्रीद्वारा पर्यटन सूचना केन्द्रको उद्घाटन

सन्तोष राउत / सोलुखुम्बु, कात्तिक ३० गते । सोलुखुम्बुको खुम्बु पासाङल्हमु गाउँपालिकास्थित लुक्लामा निर्माण गरिएको पर्यटन सूचना केन्द्रको संस्कृति पर्यटन तथा नागरिक उड्ययन मन्त्री योगेश भट्टराइले उद्धघाटन गर्नुभएको छ ।

पर्यटन विभागको भ्याटसहित तीन करोड ६३ लाख एक हजार ९५० रुपियाँको लागतमा निर्माण गरिएको भवन मन्त्री योगेश भट्टराईले उद्घाटन गरे पश्चात गाँउँपालिकालाई हस्तान्तरण गर्नुभएको छ ।

सूचना केन्द्रको रेखदेख लगायतका काम स्थानीय सरकारको स्वामित्वमा हुने छ । कार्यक्रममा स्थानीय सरकारका जनप्रतिनिधि लगायत सरोकारवाला पक्षको उपस्थिति रहेको थियो ।

सो अवसरमा मन्त्री भट्टराईले तेन्जिङ हिलारी विमानस्थल स्थानीय सरकारलाई हस्तान्तरण गर्ने प्रतिबद्धता व्यक्त गर्नुभएको छ ।

स्थानीय सरकारले माग गरेबमोजिम कागजी प्रक्रियामा रहेकाले चाँडै स्थानीय सरकारलाई हस्तान्तरण गर्ने तयारी गरिएको उहाँले बताउनुभयो । आवश्यक नीति बनाएर मापदण्ड अनुसार स्थानीय सरकारलाई विमानस्थल सञ्चालनको जिम्मा दिइने स्पष्ट पार्नुभयो ।

कोरोना महामारीले पर्यटनक्षेत्र शिथिल बनेको समयमा कोरोना सुरक्षाका उपाय अपनाउदै पर्यटकलाई स्वागत गरिने उहाँको भनाइ छ । मन्त्री भट्टराईले पर्यटकीय पदमार्गमा पर्यटकका लागि शौचालयको व्यवस्थापन गरिने र नेपालको प्रमुख पर्यटकीय गन्तव्य खुम्बु भएकाले होटल सञ्चालक, गाईड र भरियालाई विषेश तालिम दिईने र तालिम विहीन गाईडलाई खुम्बुमा पयर्टक घुमाउन निषेध गर्ने भट्टराईको भनाइ छ ।

सरकारले पर्यटन क्षेत्र खुला गरेसँगै विदेशी पर्यटकहरुको आगमन बढ्दै गएको उहाँकोे दाबी छ । कार्यक्रममा पर्यटन विभागका महानिर्देशक रुद्रसिं तामाङले स्थानीय सरकारको माग बमोजिम पर्यटकीय भौतिक पुर्वाधार निर्माण गर्दै थप भौतिक सरंचना निर्माण गरी नेपालको पर्यटन क्षेत्रलाई थप मजबुत बनाउने बताउनुभयो ।

Related News

Comments are closed

TOP NEWSview all

SC bars CIAA from conducting Sting Operations

Seto Machhendranath chariot procession begins

FNCCI calls applications from Startups

Nepal beats Netherland By 9 wickets

19 injured on first day of Bisket Jatra




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter