एक हजार ७९० जना सङ्क्रमित, संक्रमणमुक्त हुने दर ९१.४२ प्रतिशत
काठमाडौं, मङ्सिर ९ गते । नेपालमा कोरोना भाइरसका एक हजार ७९० जना सङ्क्रमित थपिएका छन् । थपिएका सङ्क्रमितसँगै नेपालमा कुल सङ्क्रमितको संख्या दुई लाख २४ हजार ७८ पुगेको छ । योसँगै सक्रिय सङ्क्रमित संख्या १७ हजार ८५९ छन् ।
नेपालमा पछिल्लो २४ घण्टामा दशहजार ८४३ वटा नमुनाको आरटी पीसीआरको परीक्षणमा सो संख्यामा संक्रमितहरु थपिएका हुन् । अहिलेसम्म १६ लाख ८१ हजार २९९ वटा आरटी पीसीआरको परीक्षण भइसकेको छ ।
स्वास्थ्य तथा जनसंख्या मन्त्रालयले कोभिड–१९ सम्बन्धी विवरण अद्यावधिकमा तीन हजार ७९१ निको भएका छन् ।
निको हुनेको संख्या दुई लाख चार हजार ८५९ छ । नेपालमा अहिले कोरोना संक्रमणमुक्त हुने दर ९१.४२ प्रतिशत पुगेको छ ।
मन्त्रालयका अनुसार पछिल्लो चौबीस घण्टामा नेपालमा थप २४ जनाको मृत्यु भएको छ । हालसम्म नेपालमा कोरोनाबाट मृत्यु हुनेको संख्या एक हजार ३६१ पुगेको छ ।
काठमाडौं उपत्यकामा ९४७ मा सङ्क्रमणको पुष्टि
काठमाडौं उपत्यकामा कोरोना भाइरसका ९४७ जना सङ्क्रमित थपिएका छन् । पछिल्लो चौबीस घण्टामा उपत्यकाका तीन जिल्लामा ९४७ जना नयाँ सङ्क्रमित पुष्टि भएको छ ।
स्वास्थ्य तथा जनसंख्या मन्त्रलायले कोभिड–१९ सम्बन्धी विवरण अद्यावधिक गर्दै चौबीस घण्टामा उपत्यकाका तीन जिल्लामा ४१० महिला र ५३७ पुरुषमा सङ्क्रमणको पुष्टि भएको जनाएको छ । पछिल्लो चौबीस घण्टामा १० हजार ८४३ जनाको आरटीपीसीआर परीक्षण गरिएको छ । देशैभरि एक हजार ७९० जना नयाँ सङ्क्रमित पहिचान गरिएका छन् । दुई हजार ७९१ जना निको भएर घर फर्केका छन् ।
मन्त्रालयका अनुसार काठमाडौंमा हाल सात हजार ७४४ जनामा भाइरसको सङ्क्रमण सक्रिय रहेकोमा ७६ हजार ४४२ जना निको भएका छन् । हालसम्म काठमाडौंमा ३३१ जना सङ्क्रमितको मृत्यु भएको छ । ललितपुरमा एक हजार ५८९ जनामा भाइरसको सङ्क्रमण सक्रिय रहेकोमा दश हजार ८९७ जना निको भएको र ९१ जना सङ्क्रमितको मृत्यु भएको छ । भक्तपुरमा हाल ६०८ जनामा भाइरसको सङ्क्रमण सक्रिय छ । ८७ जनाको मृत्यु भएको छ भने सात हजार ५८८ जना हालसम्म निको भएका छन् ।