राष्ट्रपति भण्डारीबाट मेलम्चीको पानी वितरण शुभारम्भ; तीन वर्षपछि याङ्ग्री र लार्केको पानी काठमाडौंमा आउँछः प्रधानमन्त्री

सपना थामी / काठमाडाैं, चैत २० गते । राष्ट्रपति विद्यादेवी भण्डारीबाट चैत १५ गते उपत्यकाबासीको धारामा झरेको मेलम्चीको पानीको औपचारिक उद्घाटन भएको छ । शुक्रबार काठमाडौंको भृकुटीमण्डपमा आयोजित एक विशेष कार्यक्रममा राष्ट्रपति भण्डारीद्वारा तीनवटा ढुंगेधारासहित निर्माण गरिएको स्मारकमा धाराको टुटी खोली उद्घाटन गर्नुभएकाे हो । अब सो सार्वजनिक ढुंगेधाराको पानी सर्वसाधारणाले उपभोग गर्न पाउनेछन् । ढुंगेधारा नजिकैको पानीको फोहोराको पनि राष्ट्रपति भण्डारीले स्वीच थिची औपचारिक उद्घाटन गर्नुभएको छ ।

राष्ट्रपति भण्डारीले बहुप्रतिक्षित मेलम्ची खानेपानी राजधानीबासीका लागि नयाँ उपहार भएको बताउनुभयो । राष्ट्रपति भण्डारीले बढ्दो जनसंख्याका कारण खानेपानी समस्या देखिदै आएकोमा मेलम्चीको पानीले नागरिकलाई खुशी प्रदान गरेको बताउनुभयो ।

उहाँले विकास निर्माणमा यदाकदा अवरोध सिर्जना हुनु चिन्ताको विषय भएपनि सरकार र सम्बन्धित सबैले देश विकासको विषयमा सबै गम्भीर हुनुपर्ने धारणा राख्नुभयो ।

खानेपानी तथा सरसफाइ मन्त्री मणिचन्द्र थापाले भने स्वास्थ्य प्रतिकूलताका कारण कार्यक्रममा उपस्थिति हुनुभएकाे छैन । खानेपानी मन्त्रीमार्फत दृश्य सन्देश भने प्रवाह भएकाे छ ।

काठमाडौ महानगरपालिकाका प्रमुख विद्यासुन्दर शाक्यले बहुप्रतिक्षित मेलम्ची खानेपानी आयोजनाको पहिलो चरणको काम सम्पन्न हुनु काठमाडौ उपत्यकाबासीको लागि एक पर्व भएको बताउनुभएको छ । पहिलो चरणमा मेलम्चीको १७ करोड लिटर पानी आएसँगै वर्तमान सरकारकै पालामा याङ्ग्री र लार्केको पानी काठमाडौ आउनुपर्ने अपेक्षा पनि काठमाडौबासीको रहेको उहाँले बताउनुभयो ।

मेयर शाक्यले आफूले आफ्नो नेतृत्वमा मेलम्चीको पानी काठमाडौं आउने प्रतिबद्धता जाहेर गरेको ४ वर्षपछि काठमाडौंमा मलम्चीको पानी आएकोमा खुसी व्यक्त गर्नुभयो । उहाँले प्रधानमन्त्री केपी शर्मा ओलीले जे बोल्नुहुन्छ, त्यो गर्नुहुन्छ र जे गर्नुहुन्छ, त्यो बोल्नुहुन्छ भन्दै बहुप्रतिक्षित मेलम्ची खानेपानी आयोजनाको दोस्रो चरणको काम पनि छिटोभन्दा छिटो सम्पन्न हुने विश्वास व्यक्त गर्नुभयो ।

कार्यक्रममा प्रधानमन्त्री केपी शर्मा ओली, गृहमन्त्री रामबहादुर थापा, अर्थमन्त्री कृष्णगोपाल श्रेष्ठ, परराष्ट्रमन्त्री प्रदिपकुमार ज्ञवाली लगायत अधिकांश मन्त्रीहरुको उपस्थिति रहेको छ । सरकारका विभिन्न ओहोदाका प्रमुखहरुको सहभागिता छ । कार्यक्रममा मेलम्ची र राष्ट्रियता सम्बन्धित विभिन्न साँस्कृतिक झाँकीहरुको प्रस्तुती देखाइएकाे छ ।

तीन वर्षपछि याङ्ग्री र लार्केको पानी काठमाडौंमा आउँछः प्रधानमन्त्री

प्रधानमन्त्री केपी शर्मा ओलीले बहुप्रतिक्षित मेलम्ची खानेपानी आयोजना औपचारिक रुपमा काठमाडौं उपत्यकामा भित्रिएसँगै देशमा नयाँ सफलता प्राप्त भएको बताउनुभएकाे छ । उहाँले आगामी तीन वर्षपछि याङ्ग्री र लार्केको पानी काठमाडौ आउने विश्वास व्यक्त गर्नुभयो । प्रधानमन्त्री ओलीले आगामी वि.सं. २०८१ साल सम्ममा दुई नदीको पानी काठमाडौ आउने वातावरण बनाउनुपर्नेमा जोड दिनुभयो । उहाँले मन्त्रालयलाई यसै अनुसार काम अगाडि बढाउन निर्देशन समेत दिनुभयो ।

राजधानीमा राष्ट्रपति विद्यादेवी भण्डारीबाट भृकुटीमण्डपस्थित नयाँ निर्माण गरिएको ३ ढुंगेधारासहितको स्मारकमा मेलम्चीको पानी औपचारिकरुपमा उद्घाटन गर्ने कार्यक्रममा प्रधानमन्त्री ओलीले वर्तमान सरकारले पूर्वाधार विकासमा भएका प्रयासका सन्दर्भममा पनि आफ्नो धारणा राख्नुभएको छ ।

उहाँले पूर्वाधार विकासमा सरकारले चौतर्फीरुपमा प्रगती गरेको बताउनुभयो । प्रधानमन्त्री ओलीले विकास निर्माणका कामहरु एक–अर्काेसँग नबाँझिने गरि विभिन्न मन्त्रालय र अन्तर–मन्त्रालयहरुसँग प्रभावकारी रुपमा समन्वय गर्दै विकास निर्माणको काम अघि बढ्नुपर्नेमा जोड दिनुभयो ।

प्रधानमन्त्री औलीले आगामी नयाँ वर्षमा पुननिर्मित धरहरा पनि उद्घाटन हुने बताउनुभयो । यससँगै प्रधानमन्त्रीले सरकारलाई काम गर्न नदिएकै कारण देशमा विभिन्न अन्यौलता उत्पन्न भएको अवस्थामा सरकारलाई फेरि पनि काम गर्न नदिन विभिन्न बाधाहरु उत्पन्न भएको बताउनुभयो ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

TOP NEWSview all

FNCCI calls applications from Startups

Nepal beats Netherland By 9 wickets

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter