कागती खेतीबाट वार्षिक सात लाख आम्दानी, बजार अभाव छैन

ज्ञानु पंगेनी / कवासोती , वैशाख १३ गते । पूर्वी नवलपरासीको मध्यविन्दु नगरपालिका ८ रानीटार निवासी किसान नरेन्द्रकुमार केसीले कागती खेतीबाट मनग्य आम्दानी गर्दै आउनुभएको छ ।

उहाँले पाँच वर्षअघि कागती खेती सुरु गर्नुभएको थियो । खेती सुरु गरेको दुई वर्षपछि उत्पादन दिन सुरु गरेको हो । कागती खेतीबाट उहाँले सबै खर्च कटाएर वार्षिक रुपमा सात लाख रुपियाँ आम्दानी गर्दै आएको बताउनुभयो । वार्षिक करीब डेढ लाख रुपियाँ लगानी लाग्ने गरेको उहाँले जानकारी दिनुभयो । लगानीको तुलनामा कागती खेतीबाट नाफा बढी हुने उहाँ बताउनुहुन्छ । ‘खर्च कम , मलजल पनि थोरै भए पुग्ने, मिहिनेत पनि कम लाग्ने, आम्दानी भने राम्रो हुने भएकाले कागतीखेतीतर्फ यहाँका किसान आकर्षित भएका छन् । ’ केसीले भन्नुभयो ।

उहाँले यस अघि तरकारी खेती र केरा खेती गर्नुभएको थियो । तर , जङ्गलको नजिकै जग्गा हुँदा बाँदर अन्य जङ्गली जनावारले आएर नोक्सान पु¥याउने, आम्दानी पनि सोचेजस्तो नहुने र विषादीको बढी प्रयोग गर्दा स्वास्थ्यमा समेत असर पर्नेहुँदा कागती खेती सुरु गरेको उहाँले बताउनुभयो ।

चार कठ्ठा जग्गामा उहाँले सुन जातको कागती लगाउनुभएको छ । ठूलो ८५ र सानो २५ बोट गरी उहाँको बगैँचामा अहिले कागतीका ११० बोट छन् । यी बोटबाट वार्षिक ५५ क्वीन्टलसम्म कागती उत्पादन भएको केसीले जानकारी दिनुभयो । यी बोटमा बाह्रैमासे फल लाग्ने गरेको छ ।

सुन कागती एक जातको कागती पहाडमा फल्ने कागती जस्तै हुन्छ । यो कागतीको बजार पनि राम्रो छ । उत्पादन जति भएपनि बजारीकरणमा समस्या नभएको केसी बताउनुहुन्छ । नारायणगढ , काडमाडाैं लगायतका मुख्य सहरमा कागतीको खपत हुँदै आएको छ । व्यापारीहरु गाडी लिएर घरमै आउने गर्छन् । जसले गर्दा बिक्री गर्न पनि झन्झट नहुने उहाँको भनाइ छ ।

केसीले अहिले कागतीको नर्सरी सुरु गर्नुभएको छ । प्रधानमन्त्री कृषि आधुनिकीकरण परियोजना सुन्तला जात फलफूल जोन कार्यक्रम अन्तर्गत उहाँले यसै वर्षबाट नर्सरी सुरु गर्नुभएको हो । कागती खेतीलाई नै आफ्नो मुख्य पेशा बनाएकाले अन्यत्रबाट महङ्गोमा बिरुवा खरिद गर्नुभन्दा आफैँले मिहिनेत गरेर बिरुवा उत्पादन गर्दा सहज हुने र अन्य किसान समेत लाभान्वित हुने भएकाले आफूले नर्सरी समेत सुरु गरेको उहाँले बताउनुभयो ।

परियोजनाको ८५ प्रतिशत र जनसहभागिता १५ प्रतिशत गरी १० लाख रुपियाँ लागतमा दुई वटा नर्सरीको घर निर्माण गरिएको छ । परियोजनाको ७ लाख ५० हजार र जनसहभागिता दुई लाख ५९ हजार रुपियाँ लागतमा नर्सरी सुरु गरिएको प्रधानमन्त्री कृषि आधुनिकीकरण परियोजना, परियोजना कार्यान्वयन एकाइ पूर्वी नवलपरासीका प्रमुख तथा वरिष्ठ कृषि विकास अधिकृत विष्णुप्रसाद शर्माले जानकारी दिनुभयो ।

नर्सरीमा सुन कागती एक र दुईको विरुवा उत्पादन गरिनेछ । वार्षिक रुपमा ३० हजार कलमी बिरुवा उत्पादन गर्ने लक्ष्य रहेको शर्माले बताउनुभयो । आगामी वर्षबाट नर्सरीमा बिरुवा उत्पादन तयार हुने उहाँले बताउनुभयो । कागती खेतीतर्फ यहाँका किसान निकै आकर्षित हुँदै गएकाले विरुवा समेत पु¥याउन गाह्रो भइरहेको उहाँ बताउनुहुन्छ । बाहिरबाट बिरुवा ल्याउँदा महँगाे पर्ने , कहिले राम्रो नपर्ने , मर्ने लगायतका समस्या भएको कारण परियोजनाले किसान मार्फत जिल्लामै नर्सरी सुरु गरेको उहाँले बताउनुभयो ।

सुन्तला जात फलफूल जोन कार्यक्रम मार्फत यहाँ बुलिङटार, बौदिकाली, गैँडाकोट, हुप्सेकोट, देवचुली र मध्यविन्दुका केही वडाहरुमा जोन कार्यक्रम संचालनमा छ । यहाँ तल्लो भेगमा सुनकागती १ , २ र पहाडमा तेह्रथुम स्थानीय जातको कागती लगाउने गरिएको छ । जिल्लामा करिब दुई सय हेक्टर क्षेत्रफलमा व्यावसायिक कागती खेती हुने गरेको प्रमुख शर्माले बताउनुभयो ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

TOP NEWSview all

NRNA to supply Oxygen Concentrators to Nepal

Kami Rita scales Everest 25 times; Tourism Ministry appeals not to disseminate fake information

Humla section of Karnali Corridor built in timeframe

Nepal’s Kushal Bhurtel nominated for ICC Men’s Player of the month award

Nepal climbs a notch up in T-20 ranking and ranked 13th




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter