तीन हजार ४४२ सङ्क्रमित, ३७८ कोरोनामुक्त, १२ को मृत्यु; बैशाख १६ देखि काठमाडौमा अत्यावश्यक बाहेकका सेवा सञ्चालनमा रोक

काठमाडौं, बैशाख १३ गते । नेपालमा कोरोनाभाइरसका तीन हजार ४४२ सङ्क्रमित थपिएका छन् । पछिल्लो चौबीस घण्टामा १२ हजार ४०० जनाको आरटीपीसीआर परीक्षण गरिएकोमा तीन हजार ४४२ जनामा भाइरसको सङ्क्रमणको पुष्टि भएको हो ।

स्वास्थ्य तथा जनसंख्या मन्त्रालयले कोभिड १९ सम्बन्धी दैनिक बिवरण अद्यावधिक गर्दै थपिएका सङ्क्रमितसँगै नेपालका कोरोनाका कुल सङ्क्रमितको संख्या तीन लाख तीन हजार ५६१ पुगेको छ । पछिल्लो चौबीस घण्टामा ८९३ जनाको एन्टीजेन परीक्षण गरिएकोमा ११४ जनामा पोजिटिभ पाइएको छ ।

मन्त्रालयका अनुसार चौबीस घण्टामा ३७८ जना सङ्क्रमित निको भएका छन् । हालसम्म दुई लाख ७७ हजार ९५१ जना निको भइसकेका छन् । हाल निको हुने दर ९१.५ प्रतिशत पुगेको छ ।

मन्त्रालयले पछिल्लो चौबीस घण्टाभित्रमा १२ जना सङ्क्रमितको मृत्युको रिपोर्ट प्राप्त भएको जनाएको छ । सोही अबधिमा ७ जना सङ्क्रमितको मृत्यु भएको मन्त्रालयले उल्लेख गरेको छ । हालसम्म कोरोना सङ्क्रमणले तीन हजार १७६ जनाको मृत्यु भइसकेको छ ।

हाल ६५ जना क्वारेन्टिनमा र २२ हजार ४३४ जना आइसोलेशनमा छन् ।

बैशाख १६ देखि २२ गतेसम्म काठमाडौमा अत्यावश्यक बाहेकका सेवा सञ्चालनमा रोक

काठमाडौं उपत्यकामा बैशाख १६ गतेदेखि २२ गतेसम्म सार्वजनिक यातायता सञ्चालनमा रोक लगाइएको छ ।

उपत्यकाका तीन जिल्लाका प्रमुख जिल्लाअधिकारीहरुको आजको संयुक्त बैठकले सो निर्णय गरेको हो । काठमाडाै जिल्ला प्रशासन कार्यालयले सूचना जारी गरी बैशाख १६ गते विहान छ बजे देखि बैशाख २२ गते राती १२ बजेसम्म अत्यावश्यक सेवाका बाहेकका सार्वजनिक तथा निजी यातायात सञ्चालनमा राेक ।

साथै खाद्यसँग सम्बन्धित पसलहरू विहान १० बजेसम्म र बेलुका ५ बजेदेखि ७ बजेसम्म खुला गर्न सकिने व्यबस्था गरिएकाे छ । साथै काठमाडाैं उपत्यका प्रवेश गर्न चहाने व्यक्तिले अनिवर्य रूपमा स्थानीय तहले ताेकेकाे क्वारेन्टाइन र हाेम अाइसाेलेसनमा बस्नु पर्ने व्यबस्था गरिएकाे छ ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

TOP NEWSview all

Kami Rita scales Everest 25 times; Tourism Ministry appeals not to disseminate fake information

Humla section of Karnali Corridor built in timeframe

Nepal’s Kushal Bhurtel nominated for ICC Men’s Player of the month award

Nepal climbs a notch up in T-20 ranking and ranked 13th

US pledges $8.5 million to Nepal to fight against COVID-19 pandemic




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter