सञ्चालनको अन्तिम तयारीमा वीरकाे युनिफाइड अस्पताल

मुकुन्द गैरे मनोज रत्न शाही / काठमाडौँ, वैशाख ३० गते । वीर अस्पतालको नवनिर्मित भवनलाई कोभिड युनिफाइड अस्पताल बनाउने तयारी सुरु भइरहेको वेला उक्त भवनमा ६ सय सम्म विरामीको उपचार गराउन सकिने भएको छ ।

अहिले तत्काल चलाउने भनिए तापनि अक्सिजन, भेन्टिलेटर लगायत स्वास्थ्य सामग्रीको अभाव भएको कारण अस्पताल सञ्चालन गर्न सकिएको छैन् ।

हाल पाँच सय बेड भए पनि आपतकालीन अवस्था आए बेड थपेर ६ सय सम्म विरामीको उपचार गर्न सकिने वीर अस्पतालका निर्देशक डा.शान्त सापकोटा बताउनुहुन्छ ।

उक्त भवन सञ्चालनमा ल्याउने तयारी भइरहेको भए तापनि अक्सिजन नभएको कारण नयाँ भवन सञ्चालन गर्न नसकिएको उहाँले बताउनुभयो ।

अहिले कोभिड अस्पतालको रुपमा चलाउन गृहकार्य भइरहेको बताउदै निर्देशक सापकोटाले अक्सिजन उपल्बध भए पछि तुरुन्त सञ्चालन गरिने गोरखापत्र अनलाइनलाई जानकारी दिनुभयो ।

यो भवन खास गरि विरामीको शल्यक्रिया लागि मात्र बनाएको भएता पनि अहिले देखिएको कारोनाको मारामारीलाई मध्यनजर गरेर कोभिड अपस्ताल बनाउने तयारी थालेको अस्पतालको भनाई छ ।

तत्कालका लागि दुई सय बेड चलाउने र विस्तारै बेड बढाउदै लैजाने लक्ष्य रहेको अस्पतालको भनाई छ ।

यो भवनलाई कोभिड अस्पताल बनाउने भनेर निरीक्षण समेत भइसकेको छ । यो भवन कोभिड अस्पाल बने पछि धेरैले कोरोनाको उपचार पाउन सक्ने छन् । अहिले अस्पतालमा बेड राख्ने काम भइरहेको छ ।

केही दिन अघि उपप्रधानमन्त्री ईश्वर पोखरेलले काठमाडौँको वीर अस्पतालको नवनिर्मित भवनलाई पाँचसय शैययाको कोभिड–१९ विशेष अस्पताल बनाउने विषयमा छलफल गर्नु भएको थियो ।

कोभिड–१९ सङ्कट व्यवस्थापन केन्द्र (सिसिएमसी)का संयोजकसमेत रहनुभएका उपप्रधानमन्त्री पोखरेलले सिंहदरबारस्थित आफ्नै कार्यकक्षमा मुख्य सचिव शङ्करदास बैरागी, सिसिएमसी हेर्ने प्रधानमन्त्री कार्यालयका सचिव खगराज बराल र वीर अस्पतालका प्रतिनिधिसँग अस्पतालको नवनिर्मित भवनलाई कोरोना भाइरसका बिरामी उपचार गर्ने गरी प्रयोग गर्ने विषयमा छलफल गर्नु भएको थियो ।

। काठमाडौँ उपत्यकामा कोरोना भाइरसका सङ्क्रमित बढिरहेकाले अस्पतालमा बेड अभाव भएको गुनासो आएपछि सिसिएमसीले विभिन्न विकल्पको खोजी गरिरहेको छ ।

Related News

Comments are closed

TOP NEWSview all

KMC to build 100-bed special hospital

Nepal’s proposal to graduate from LDC status to be presented in UNGA for endorsement

World Bank to provide US $ 60 million to strengthen Nepal’s higher education

32,500 metric ton Urea arrives in Nepal

Writ petition filed in Supreme Court against reshuffle of cabinet




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter