प्रधानमन्त्री ओली र नयाँ मन्त्रीहरूकाे शपथ, सबैलाई पुरानै जिम्मेवारी

काठमाडौं, वैशाख ३१ गते । प्रधानमन्त्री केपी शर्मा ओलीले पद तथा गोपनीयताको शपथ लिनु भएकाे छ । शुक्रबार शीतल निवासमा आयोजना गरिएको कार्यक्रमबीच राष्ट्रपति विद्यादेवी भण्डारीले प्रधानमन्त्री ओलीलाई शपथ गराउनुभएकाे हाे ।

बिहीबार राति राष्ट्रपति भण्डारीले ओलीलाई संविधानको धारा ७६ (३) अनुसार प्रधानमन्त्री नियुक्त गर्नुभएको हो । साथै साेही अवसरमा नवनियुक्त मन्त्रीहरूले पनि शपथ लिनुभएकाे थियाे । नवनियुक्त मन्त्रीहरूकाे यस अघिकै जिम्मेवारी ताेकिएकाे छ । यसअघि मन्त्रिमण्डलमा हेरफेर हुने भनिएकाे भए पनि हाललाई साविककै मन्त्रीहरू रहनुभएकाे छ ।

कोरोना रोकथाम र नियन्त्रणमा कुनै साधन स्रोतको कमी हुन नदिइने

प्रधानमन्त्री केपी शर्मा ओलीले विश्वव्यापी रुपमा फैलिएको दोस्रो लहरको कोभिड–१९ संक्रमितहरुको उपचारका लागि सरकारले यथासक्दो प्रयास गरिरहेको बताउनुभएको छ । हाल उपत्यकासहित देशैभरका कोरोना संक्रमितहरुको स्वास्थ्य उपचारको क्षेत्रमा अस्पतालहरुमा विशेषगरी अक्सिजनसहितको बेड लगायत स्वास्थ्य सामाग्रीहरुको अभाव भइरहेको बेला प्रधानमन्त्री ओलीले चिकित्सक, नर्सिङ, अक्सिजन र अन्य उपकरणसहितका बेडहरुको उपलब्धताका लागि प्रभावकारी ढंगबाट प्रयास जारी रहेको बताउनु भयो ।

उहाँले विशेषगरी, देशैभरका भइरहेको अक्सिजनको कमी पूरा गर्नका लागि देशभित्रका प्लान्टहरुलाई सम्पूर्ण क्षमतामा सञ्चालन गरिने बताउनुभयो । यससँगै छिटोभन्दा छिटो अक्सिजन आपूर्तीका लागि विदेशबाट पनि ल्याउने प्रयास जारी रहेको उहाँले बताउनुभयो ।

कोरोना महामारीको संकटपूर्ण अवस्थामा कोरोनाविरुद्धको लडाईमा चिकित्सक, नर्स र स्वास्थ्यकर्मीहरुले अग्रपंक्तिमा खटिरहनु भएको बताउँदै प्रधानमन्त्री ओलीले स्वास्थ्य सेवालाई थप प्रभावकारी बनाइदै लगिने बताउनुभयो ।

कोरोनाको यो संकटको अवस्थामा अघिपछि भन्दा एकअर्कामा सेवा र मानवीयको भावनाको पनि आवश्यक रहेको बताउनुभयो । उहाँले निजी अस्पताल र स्वास्थ्य उपकरणसँग सम्बन्धित औषधिय कुराहरुका लागि सबैले जिम्मेवारीका साथ सक्रिय हुन पनि प्रधानमन्त्री ओलीले आग्रह गर्नुभएको छ ।

तर, कोरोना महामारीको यो विषम् परिस्थतीमा पनि स्थिरता नचाहनेहरुले सरकारले प्रतिगमन गरेको देख्नु नक्कली क्रान्तीकारी भएको उहाँले बताउनुभएको छ । महामारीको जटिल परिस्थतीमा सबै एकजुट हुनुपर्नेमा देशमा शान्ती कायम हुन नदिन केही पक्षले त्यसखाले कार्य गर्दै आएकोप्रति उहाँले असन्तुष्ट व्यक्त गर्नुभयो ।

अहिलेको परिस्थतीमा कोभिड–१९ विरुद्धको लडाइमा लाग्न राजनीतिक दल लगायत सबैमा उहाँले आग्रह गर्नुभएको छ । यसका साथै आमनागरिकमा पनि उहाँले कोरोना महामारीको अप्ठ्यारो परिस्थतीमा एकअर्काबीचमा अस्वस्थ प्रतिस्पर्धा गर्ने, आरोपप्रत्यारोप गर्ने र जनमानसमा हतोत्साहित बनाउने कुनैपनि गतिविधि नगर्न सरकारकातर्फबाट आग्रह गर्नुभएको छ ।

Related News

Comments are closed

TOP NEWSview all

KMC to build 100-bed special hospital

Nepal’s proposal to graduate from LDC status to be presented in UNGA for endorsement

World Bank to provide US $ 60 million to strengthen Nepal’s higher education

32,500 metric ton Urea arrives in Nepal

Writ petition filed in Supreme Court against reshuffle of cabinet




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter