परम्परागत खडाई प्रयोग गरि सिँगारिदै अमलटारी होम स्टे

ज्ञानु पंगेनी / कावासोती , जेठ ८ गते । सामान्य अवस्थामा यतिबेला पाहुँनाको भरिभराउ हुने यहाँको पूर्वी नवलपरासीको कावासोती – १५ मा रहेको अमलटारी मध्यवर्ती सामुदायिक होम स्टे अहिले सुनसान छ ।

कोभिड – १९ संक्रमणका कारण अहिले विश्व नै महामारीको चपेटामा परेका कारण पर्यटन व्यवसाय ठप्प छ ।

गत वर्ष पनि करीब ८ महिना व्यवसाय ठप्प हुँदा ठूलो नोक्सान व्यहोरेका यहाँका होम स्टे सञ्चालकहरु दोश्रो लहरको कोभिड – १९ सङ्क्रमणबाट पनि अछुतो रहन सकेनन् ।

विश्व नै अाक्रान्त बनेको अहिलेको परिस्थितिमा पीर लिएर झोक्राएर बस्नुभन्दा केही सृजनात्मक काम गर्नुपर्छ भन्ने सोँचका साथ होम स्टे सञ्चालकहरुले साँस्कृतीक भवन र सङ्ग्रहालयलाई सिँगार्न लागिपरेका छन् ।

कोभिडका कारण निषेधाज्ञा समेत छ । पाहुना नआएको समयलाई सदुपयोगसँगै आफ्नो कला संस्कृति झल्कने सृजनात्मक काम समेत हुने भएकाले स्वास्थ्य सर्तकता अप्नाएर काम गरिएको होम स्टेका व्यवस्थापक धनीराम गुरौले जानकारी दिनुभयो । यहाँ थारु , बोटे , माझी, मुसहर समुदायले सञ्चालन गरेको ३१ घर होम स्टे छन् । यी समुदायको परम्परागत घर निर्माण गर्ने खडाईको प्रयोग गरेर अहिले सांस्कृतिक भवनको भित्ता र पोलहरुमा विभिन्न आकृतिसहित सिँगार्ने काम जारी छ ।

यस्तै सङ्ग्रहालयका भित्ताहरुमा समेत खडाई प्रयोग गरेर सिँगारिएको छ । होम स्टे मौलिक र कला संस्कृतिले भरिपूर्ण हुनपर्छ भन्ने मान्यता हरेका कारण पनि आफूहरुले गत वर्षको लकडाउनपछि यो कामलाई निरन्तरता दिएको गुरौले बताउनुभयो ।

मास्क , सेनिटाईजरको प्रयोग गरेर काम भइरहेको गुरौले बताउनुभयो । भिडभाड नहोस् भन्नका लागि दैनिक १० जना मात्रै पालैपालो काम गरिरहेको उहाँले जानकारी दिनुभयो ।

गत वर्ष ३१ वटै होम स्टे सञ्चालकहरुले आफ्नो आफ्नो पाहुना घरलाई व्यक्तीगत रुपमा आफैँ खडाईको प्रयोग गरेर सिगारेका थिए । यी समुदायको परम्परागत खपडाले पाहुना घरका छाना छाउने काम सम्पन्न भएको थियो । अहिले सामूहिक रुपमा सास्कृतीक भवन र सङ्ग्रहालय सिँगार्ने काम गरिएको गुरौले बताउनुभयो ।

निकुञ्जबाट स्वीकृत लिएर सामूहिक रुपमा नै खडाई काटेर ल्याइएको थियो । उक्त खडाईलाई सफा गरेर सानो – सानो चिरा बनाएर प्लाईउड र काँटीको प्रयोग गरेर नमस्ते , घडा तथा विभिन्न आकृतिसहित मौलिक पहिचान दिने काम गरिएको छ । प्रत्येक दिन होम स्टे सञ्चालकहरु आफैँ १० – १० जनाको समुह भएर श्रमदान गरिरहेका छन् । होम स्टे सञ्चालक तथा अमलटारी मध्यवर्ती सामुदायिक होम स्टे का कोषाध्यक्ष चन्द्र बहादुर महतो पनि श्रमदानमा खटिनुभएको छ ।

खडाईको काम गर्न निकै गाह्रो हुने गरेको महतोले बताउनुभयो । एकदमै मसिनो काम भएकाले दिनभरिमा थोरै मात्रै काम गर्न सकिने महतोले बताउनुभयो ।उहाँ भन्नुहुन्छ – ‘यो समय आर्थिक वर्ष अन्त्य हुने समय थियो । यतिबेला यहाँ पाहुनाको भरिभराउ भएर भ्याईनभ्याई हुन्थ्यो तर , अहिले कोभिडका कारण सुनसान छ । ’ उहाँले थप्नुभयो – हामीलाई नोक्सान त धेरै नै भएको छ तर , त्यसैको पीर मानेर बसेर पनि त भएन, माहामारीको नियन्त्रणपछि पक्कै पनि फेरि पाहुनाहरु आउनुहुन्छ ।

हामीले अहिलेको नोक्सानलाई पक्कै उठाउने छौँ , भन्ने सोचेर खाली बसेको यो समय होम स्टेलाई मौलिकता प्रदान गर्न र लोप हुने अवस्थामा पुगेका हाम्रा परम्परा ,कला संस्कृतीको जगेर्ना गर्ने काममा लागेका छौँ । ’

कोभिड महामारी पूर्व यहाँका होम स्टे सञ्चालकहरुले प्रति घर सिजनका बेला ४० देखि ५० हजार आम्दानी गर्ने गरेको उहाँ बताउनुहुन्छ । सिजन नहुँदा पनि पच्चीस तीस हजार आम्दानी हुने गरेको उहाँको भनाइ छ ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

TOP NEWSview all

Nepal’s proposal to graduate from LDC status to be presented in UNGA for endorsement

World Bank to provide US $ 60 million to strengthen Nepal’s higher education

32,500 metric ton Urea arrives in Nepal

Writ petition filed in Supreme Court against reshuffle of cabinet

Nepal Army officer Bista receives commendation from UN




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter