२४ घण्टामा २९ सय २२ कोरोना संक्रमित थपिए : एक जनाको मृत्यु
January 13, 2022 | 10:37 pm
काठमाडौं, पुस २९ गते । पछिल्लो २४ घण्टामा नेपालमा २९ सय २२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार ४९४ जनाको पीसीआर परीक्षण गर्दा २९ सय २२ जनामा संक्रमण पुष्टि भएको हो ।
मन्त्रालयका अनुसार ४५ सय ८३ जनाको एन्टीजेन परीक्षण गर्दा ६३१ जनामा संक्रमण पुष्टि भएको छ । पीसीआर र एन्टीजेन परीक्षणलाई हेर्दा संक्रमित हुनेको संख्या एकै दिन बिहीबार ३५ सय ५३ पुगेको छ ।
त्यसैगरी २४ घण्टामा कोरोना संक्रमणबाट एक जनाको मृत्यु भएको छ भने २७१ जना निको भएका छन् । बिहीबार देशभर सक्रिय संक्रमितको संख्या १४ हजार ३४० पुगेको छ ।
पछिल्लो २४ घण्टामा तीन लाख ५६ हजार चार जनाले खोप लगाएका छन् ।