आठौं पर्वतीय महोत्सव २२ गतेबाट; कोप–२८ मा विश्व समुदायको ध्यानाकर्षण गराउन राष्ट्रपतिको सुझाव

लेखनाथ, मङ्सिर १३ गते । नेपाल पर्वतारोहण संघले बर्सेनी गर्दै आएको पर्वतीय महोत्सव यस वर्ष पाँच दिन हुने भएको छ । पोखराको अन्तर्राष्ट्रिय पर्वतीय सङ्ग्रहालय, रातोपैह्रामा आठौं संस्करणको महोत्सव मंसिर २२ गतेदेखि २६ गतेसम्म हुन लागेको हो ।

यसअघि यो महोत्सव तीन दिन हुने गरेको थियो । संयुक्त राष्ट्रसंघले डिसेम्बर ११ मा अन्तर्राष्ट्रिय पर्वतीय दिवस मनाउँदै आएको छ । सोही दिन पारी नेपाल पर्वतारोहण संघले आठ वर्षदेखि निरन्तर पर्वतीय महोत्सव गर्दै आएको छ ।

यस वर्षको महोत्सवमा बर्डस् कन्जरभेसनसँगको सहकार्यमा ‘मिस अन्डरस्टुड बर्डस्’ नामक नाटक प्रदर्शन गरिने भएको छ । आयोजक संघका वरिष्ठ उपाध्यक्षसमेत रहनुभएका महोत्सवका संयोजक ठाकुराज पाण्डेले विश्वमा नेपालले प्रतिस्पर्धा गर्न सक्ने क्षेत्र पर्वतीय पर्यटन रहकाले यसका सम्भावना खोज्न महोत्सव आयोजना गरिएको बताउनुभयो ।

महोत्सवमा पाँचै दिन पर्वतारोहण र पर्वतीय जीवनबारे वृत्तचित्रहरु प्रदर्शन गरिने भएको छ । महोत्सवमा पासाङ, माउन्टेन म्यान, सोफी लाभाड, द सेकेन्ड समिट, अई–डेला हट्स भ्यालिस र एभरेस्ट म्यान वृतचित्र देखाइने छन् ।

महोत्सवमा पर्वतारोहण सम्बन्धी विभिन्न विधामा कीर्तिमान बनाएका पर्वतारोहीका फोटो प्रदर्शनीसमेत गरिने अन्तर्राष्ट्रिय पर्वतीय सङ्ग्रहालयकी कार्यकारी निर्देशक निर्मला न्यौपानेले जानकारी दिनुभयो । यसपालिको महोत्सवमा ‘टग अफ वार’ पहिलो पटक समावेश गरिएको छ । ‘यसबाहेक दर्शकलाई आकर्षित गर्न छेलो प्रतियोगिता, जिपलाइन, दोहोरी गीत पनि समावेश गरिएको छ,’ न्यौपानेले भन्नुभयो ।

कोप–२८ मा विश्व समुदायको ध्यानाकर्षण गराउन राष्ट्रपतिको सुझाव

राष्ट्रपति रामचन्द्र पौडेलसँग प्रधानमन्त्री पुष्पकमल दाहाल प्रचण्डले भेटवार्ता गर्नुभएको छ।

जलवायु परिवर्तनसम्बन्धी राष्ट्रसङ्घीय सम्मेलन कोप–२८ मा सहभागी हुन प्रधानमन्त्री संयुक्त अरब इमिरेट्स जानुअघि बुधबार राष्ट्रपति भवन शीतल निवासमा उक्त भेट भएको हो।

सो अवसरमा राष्ट्रपति पौडेलले सम्मेलनमा जलवायु परिवर्तन, हिमाल बचाउ र चुरे संरक्षणका बारेमा प्राथमिकताका साथ विश्व समुदायको ध्यानाकर्षण गराउन र त्यसबाट नेपालले लाभ लिने परिस्थिति सिर्जना गर्नसमेत प्रधानमन्त्री दाहाललाई सुझाव दिनुभएको राष्ट्रपतिका प्रेस सल्लाहकार किरण पोखरेलले जानकारी दिनुभयो।

Related News

Comments are closed

TOP NEWSview all

Japan Hands Over the Sanitary Napkin-Making Machine in Parsa

Mayor Shah directs employees to reduce visits, seminars

Veteran singer, musician Bhakta Raj Acharya passes away

Trade deficit of Rs 811 billion in first seven months

WHO congratulates Nepal for legislation to restrict trans-fatty acids in food




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana

Chairperson : Mr. Kishore Thapa


Counter:
Web Counter