‘महिला स्वास्थ्य स्वयम्सेविकाको महत्वपूर्ण योगदान’
काठमाडौँ, २० मङ्सिर । स्वास्थ्यमन्त्री गगनकुमार थापाले महिला स्वास्थ्य स्वयम्सेविका मन्त्रालय र जनसमुदायबीचको पुल भएको बताउनुभएको छ ।
तेह्राँै राष्ट्रिय महिला स्वयम्सेविका दिवस २०७३ को अवसरमा आज यहाँ आयोजित कार्यक्रममा उहाँले स्वास्थ्य कार्यक्रमलाई सफल बनाउन महिला स्वास्थ्य स्वयम् सेविकाले महत्वपूर्ण योगदान गरेको उल्लेख गर्नुभयो ।
उहाँले पहिले जे उद्देश्यले स्वयम्सेविका बनाइएको थियो, आज त्यसको कार्यक्षेत्र बढ्दै गएकाले त्यसैअनुसार थप तालिम र सुविधा बढाउन मन्त्रालय सकारात्मक रहेको बताउनुभयो ।
सो अवसरमा स्वास्थ्य राज्यमन्त्री तारामान गुरुङले स्वास्थ्य स्वयम्सेविकाले गाउँगाउँमा गई सेवा पु¥याएको हुनाले उनीहरुलाई आधारभूत सेवा उपलब्ध गराउनुपर्ने धारणा राख्नुुभयो ।
स्वास्थ्य सचिव डा सेनेन्द्रराज उपे्रतीले महिला स्वास्थ्य स्वयम्सेविका नभएको भए गाउँगाउँसम्म आधारभूत स्वास्थ्य सेवा पु¥याउन नसकिने बताउनुभयो ।
स्वास्थ्य सेवा विभागका महानिर्देशक डा पुष्पा चौधरीले नेपालमा सञ्चालन भएको महिला स्वास्थ्य स्वयम्सेविका कार्यक्रमको सफलता अन्य मुलुकका लागि पनि उदाहरणीय भएको बताउनुभयो ।
सुनाकोठी स्वास्थ्य चौकी ललितपुरकी महिला स्वास्थ्य स्वयम्सेविका शशी शाह ठकुरीले आफूहरुले गाउँगाउँमा विभिन्न महामारी, खोप कार्यक्रमलगायत सबै स्वास्थ्य कार्यक्रममा महत्वपूर्ण योगदान गरे पनि सेवा निवृत्तिका बेलामा उचित मूल्याङ्कन नभएको बताउनुभयो ।
अहिले सरकारले साठी वर्ष उमेर पुगेपछि अवकास दिँदा रु १० हजार उपलब्ध गराउँदै आएको छ । सरकारले महिला स्वास्थ्य स्वयम्सेविकालाई आत्मविश्वास बढाउन पोसाक खर्च सात हजार दिने भएको छ भने तालिम तथा समीक्षा बैठकमा भाग लिँदा दिइने खर्च आ व २०७२÷७३ बाट रु चार सय दिँदै आएको छ ।
कार्यक्रममा मातृ स्वास्थ्य, नवशिशु एवम् बाल स्वास्थ्य, परिवार नियोजन, खोप, पोषण, सरुवा रोगको नियन्त्रणमा स्वय्मसेविकाले पु¥याएको योगदानको प्रसंसा गरिएको थियो ।
स्वास्थ्य सेवामा जनसहभागिता परिचालन गर्न विसं २०४५÷४६ देखि नेपाल सरकारले स्वास्थ्य मन्त्रालयअन्र्तगत महिला स्वास्थ्य स्वयम्सेवक कार्यक्रम सुरु गरेको थियो । ७५ जिल्लामा विस्तारित यो कार्यक्रमअन्र्तगत हाल नेपालमा ५१ हजार ४७० महिला स्वास्थ्यसेविका कार्यरत छन् । रासस