वरिष्ठ सङ्गीतकार गुरुङ सम्मानीत
काठमाडौँ, १ वैशाख । आज नयाँ वर्ष घरमै पाहुनालाई समय दिने योजना थियो । बिहानै फोन आयो आज ११ बजे वरिष्ठ सङ्गीतकार अम्बर गुरूङलाई नागरिक अभिनन्दन गरिँदै छ, तपाई आइदिनुप¥यो भनेर । मैले साेंचे पाहुनालाई घरमै बसालेर अम्बर गुरूङको अभिनन्दन कार्यक्रममा जानुपर्छ अनि कम्युटरमा बसे र अम्बर गुरूङको बारेमा यी हरफहरू लेखे ।
अम्बर तिमी अमर रहन्छौँ गीतको गुञ्जनमा
भावना तिम्रो देशभक्ति पूर्ण अटल छ सङ्गीतमा,
हिमाल जस्तो व्यक्तित्व तिम्रो चम्किलो देशमा
नेपाली भनी चिनारी दिने गर्विलो जोशमा ।
अजर अमर गीतहरू स्रोता समूहद्वारा यहाँ आज आयोजित वरिष्ठ सङ्गीतकार अम्बर गुरूङको नागरिक अभिनन्दन तथा शुभकामना कार्यक्रममा उपप्रधान तथा रक्षामन्त्री भीम रावलले वाचन गरेको कविता हो यो ।
उपप्रधानमन्त्री रावलले वरिष्ठ सङ्गीतकार गुरूङलाई वरिष्ठ सङ्गीतकार स्व ज्ञानबहादुर श्रेष्ठका नाममा स्थापित ‘ज्ञानबहादुर स्मृति सङ्गीत पुरस्कार प्रदान गर्दै वरिष्ठ सङ्गीतकारको स्वास्थ्य उपचार खर्च सरकारले व्यहोरेको छ र अझै पनि उहाँलाई सहयोग गर्न तयार छ भन्नुभयो । पुरस्कारको राशि रु २५ हजार रहेको छ ।
“उहाँले धेरै गीत सङ्गीत गाउन नसकिरहेका अवस्थामा उहाँको उपस्थितिले नै हामी गौरवान्वित भएका छौँ”– उपपधानमन्त्री रावलले भन्नुभयो । अम्बर गुरूङका गीत सङ्गीत सुन्नका लागि नयाँ पुस्तालाई प्रेरित गर्नुपर्ने उहाँको भनाइ छ ।
गीतकार रत्न शमशेर थापा, वरिष्ठ गीतकार कालिप्रसाद रिजाल र कवि तथा गीतकार सुभासचन्द ढुङ्गेलले वरिष्ठ सङ्गीतकार गुरूङले नेपाली गीत सङ्गीतमा पु¥याएको योगदानको चर्चा गर्नुभयो । करिब १०० भन्दा बढी नेपाली गीत सङ्गीतका रचयिता गुरूङले राष्ट्रिय गान (सयौँ थुङ्गा फूलका हामी…) मा सङ्गीत दिनुभएको छ । रासस