‘राष्ट्रिय वाणिज्य बैंकसित तरलताको अभाव छैन’

rbbकाठमाडौँ, ६ माघ । राष्ट्रिय वाणिज्य बैंकले छिमेकी मुलुक भारत र चीनमा आफ्नो शाखा स्थापना र विस्तार गर्ने भएको छ । यसका लागि बैंक सञ्चालक समितिले भारतमा शाखा स्थापना र विस्तार खोल्न स्वीकृति दिएको छ भने चीनमा सम्भाव्यता अध्ययन कार्य सुरु गरेको छ । वि.सं. २०२२ माघ १० गते स्थापना भएको सो बैंकका हाल ६८ जिल्लामा १७१ शाखा, ती शाखामा ९० एटिएम सेवा, १७ स्थानमा एक्सटेन्सन काउन्टर तथा ७५ स्थानमा शाखारहित बैंकिङ सेवा सञ्चालनमा रहेका छन् । बैंकको ५२औँ वार्षिकोत्सवको अवसरमा आज राजधानीमा आयोजित पत्रकार सम्मेलनमा बैंकका प्रमुख कार्यकारी निर्देशक किरणकुमार श्रेष्ठले पुस मसान्तसम्म बैंकको कुल निक्षेप एक खर्ब ३८ अर्ब रुपैयाँ र कुल कर्जा ९३ अर्ब ४८ करोड पुगेको जानकारी दिए ।

यस अवधिका बैंकको खुद नाफा एक अर्ब ३० करोड रुपैयाँ पुगेको छ । गत वर्षको यही अवधिमा एक अर्ब नौ करोड रुपैयाँ रहेको थियो । वि.सं. २०६० असार महिनासम्म बैंकको पुँजी एक अर्ब १७ करोड २३ लाख रुपैयाँ मात्र रहेको र सञ्चित नोक्सानी २३ अर्ब ५६ करोड पुगेको थियो । बैंक सुधार कार्यक्रम प्रभावकारी बन्दै जाँदा बैंकले कमाएको मुनाफाबाट सञ्चित नोक्सानी घट्दै जाँदा वि.सं. २०७३ असोज मसान्तसम्म सो मुनाफा एक अर्ब २३ करोड रुपैयाँ भन्दा बढी रहेको बैंकले जनाएको छ ।

बाह्र वर्षमा मुनाफा पत्रकार सम्मेलनमा बैंकका कार्यकारी निर्देशक श्रेष्ठले वि.सं. २०६० मा वार्षिक नोक्सानी पाँच अर्ब रहेकोमा आ.व. २०७२÷७३ मा बैंक दुई अर्ब ३५ करोड रुपैयाँ खुद नाफा गर्न सफल रहेको जानकारी दिए । बैंकसित हाल भाखा नाघेको कर्जा तीन प्रतिशतको हाराहारीमा छ । हाल बैंकले वाणिज्य, व्यापार, होटल, कृषि क्षेत्रमा आफ्नो पुँजी परिचालन गरेको छ । सेवाग्राहीको जीवनस्तर उकास्न उच्च शिक्षाका लागि कर्जा, घर निर्माण र गाडी खरिदमा लगानी समेत गरेको छ । व्यावसायिक कृषि प्रवद्र्धन गर्न र कृषि तथा सामाजिक बैंकिङ विभाग स्थापना गरी सात अर्ब ७४ करोड रुपैयाँ कर्जा प्रवाह गरेको छ । चालु आ.व.मा सिन्धुलीमा जुनारखेती र रुपन्देहीमा माछापालन कृषकलाई लक्षित गरी १५ करोड लगानी कार्य सुरु गरेको छ ।

प्रहरीसँग तलबी बचत खाता सम्झौता बैंकले नेपाल प्रहरीसँग तलबी बचत खाता खोल्न सम्झौता गरेको छ । यसबाट चालु आ.व.मा करिब ७० हजार प्रहरीका बचत खाता खोली बैंकमार्फत तलब भुक्तानी व्यवस्था मिलाइएका, नागरिक कोषसित सम्झौता गरी बचतकर्ताको रकम एबिबिएस सेवामार्फत सोझै केन्द्रीय खातामा जम्मा हुने व्यवस्था मिलाइएको । यस्तै बैंकले त्रिभुवन विश्व विद्यालयसँग सम्झौता गरी अवकाश प्राप्त प्राध्यापक र कर्मचारीको निवृत्तिभरण रकम भुक्तानी गर्ने कार्य सुरु गरिएको कार्यकारी निर्देशक श्रेष्ठले बताए । बैंकले समृद्ध नेपालको लागि दिगो आर्थिक विकास कार्यक्रम कार्यान्वयन गर्न सबै जिल्लामा शाखा विस्तार गर्ने, एकव्यक्ति एक खाता अभियानअन्तर्गत करिब दुई लाख नयाँ खाता खोल्न, वित्तीय साक्षरताअन्तर्गत ५० हजार नागरिकलाई वित्तीय साक्षरता कार्यक्रममा सरिक गराउने लक्ष्य लिएको छ । श्रेष्ठले बैंकसित तरलताको अभाव नरहेको बताए । रासस

Related News

Comments are closed

TOP NEWSview all

Japan Hands Over the Sanitary Napkin-Making Machine in Parsa

Mayor Shah directs employees to reduce visits, seminars

Veteran singer, musician Bhakta Raj Acharya passes away

Trade deficit of Rs 811 billion in first seven months

WHO congratulates Nepal for legislation to restrict trans-fatty acids in food




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana

Chairperson : Mr. Kishore Thapa


Counter:
Web Counter