तिहारमा साँढे सात करोड बराबरको माला व्यापार

mala-and-fulलक्ष्मण दर्नाल / काठमाडौँ, असोज २९ गते । तिहारमा सात करोड ५० लाख रुपियाँ बराबरको फूलको मालाको कारोबार हुने अनुमान गरिएको छ । फ्लोरिकल्चर एसोसिएसन नेपालले तिहारका लागि १५ लाखवटा फूलका माला खरिद गरेको छ । प्रतिमाला ३० रुपियाँमा खरिद गरिएको माला प्रतिमाला ५० रुपियाँका दरले बिक्री गर्ने एसोसिएसनले जनाएको छ । जसको मूल्य सात करोड ५० लाख रुपियाँ हुन आउँछ ।

१५ लाख मालामध्ये सयपत्रीको माला ११ लाख, मखमलीको तीन लाख, गोदावरी, गुलाफलगायत अन्य फूलको माला एक लाखप्रति हुने फ्लोरिकल्चर एसोसिएसन नेपालका उपाध्यक्ष रामजीप्रसाद तिमिल्सिनाले जानकारी दिनुभयो । सयपत्रीको ११ लाख मालामध्ये तीन लाखवटा भारतबाट आयात गरिएको छ भने बाँकी आठ लाखवटा सयपत्रीको माला नेपालमै उत्पादन गरिने छ । मखमली, गोदावरी र गुलाफको माला नेपालमै उत्पादन हुने एसोसिएसनले जनाएको छ । सयपत्री फूलमा नेपाल आत्मनिर्भर नभए पनि मखमली र गोदावरी फूलमा आत्मनिर्भर रहेको एसोसिएसनले जनाएको छ । सात करोड ५० लाख रुपियाँ बराबरको मालाको व्यावसायिक कारोबार हुनेछ तर घरमै फूल उत्पादन गर्ने र टोलछिमेकबाटै काम चलाउनेको संख्या पनि ठूलो रहेको तथा गाउँघरमा फूल उत्पादनको मौसम भएकाले सहरमा बढी कारोबार हुने व्यवसायीहरूको भनाइ छ । फ्लोरिकल्चर एसोसिएसनका उपाध्यक्ष तिमिल्सिनाले भन्नुभयो ‘१५ लाख मालामध्ये तीन लाखवटा सयपत्रीको माला भारतबाट आयात भएको छ अरू सबै नेपालमै उत्पादन गर्छौं । ’

तिहारका अवसरमा तीन करोड ६५ लाख रुपियाँ बराबरको फूल तथा माला नेपालबाट बाहिरिने एसोसिएसनले जनाएको छ । उपाध्यक्ष तिमिल्सिना भन्नुहुन्छ ‘तिहारका अवसरमा विदेशमा बस्ने नेपालीले पनि नेपालबाटै फूल तथा मालाहरू मगाउँछन् जसको मूल्य तीन करोड ६५ लाख रुपियाँ बराबरको हुन आउँछ । ’

फ्लोरिकल्चर एसोसिएसन नेपालले तिहारबाहेक वर्षमा एक अर्ब ७१ करोड बराबरको फूलको कारोबार गर्दै आएको छ । त्यस्तै तिहारबाहेक वार्षिक सरदर १० करोड रुपियाँ बराबरको फूल, फूलको बीउबिजन र कृषि औजारलगायतका सामग्री भारतबाट आयात गरिँदै आएको छ ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society

I am inspired by the kindness, decency and warmth of the people of Nepal: DeLisi