थोपा सिँचाइले किसानलाई राहत

agricultureताप्लेजुङ, पुस २० गते । ताप्लेजुङको याङ्वरक गाउँपालिका–४, डुम्रिसेका किसानलाई थोपा सिँचाइले राहत दिएको छ । जिल्ला सिँचाइ डिभिजन कार्यालयको आर्थिक सहयोगमा साविक डुम्रिसे–७, माखोजा बस्तीमा थोपा सिँचाइका लागि पोखरी निर्माण गरेपछि स्थानीय किसानलाई राहत पुगेको हो ।

सिँचाइ डिभिजन कार्यालयको आठ लाख र जन श्रमदानसमेत करिब १० लाख रुपियाँको लागतमा चैते ताल पोखरी निर्माण भएको हो । पोखरी निर्माण भएसँगै माखोजा बस्तीका ३५ घर परिवारलाई राहत मिलेको स्थानीय रमेशकुमार राईले जानकारी दिनुभयो । अहिलेको हिउँदे समयमा तरकारी, फलफूल लगायत खेतीका लागि थोपा सिँचाइ प्रविधि अत्यन्तै प्रभावकारी भएको उहाँको अनुभव छ । सुख्खापन, वर्षा र शीतबाट बचाउन प्लास्टिक टनेल बनाएर गरिएको खेतीमा थोपा सिँचाइ गर्दा थोरै जग्गाबाट पनि धेरै राम्रो फाइदा लिन सकिएको राईको भनाइ छ । सिँचाइकै अभावमा अधिकांश किसानले चाहेर पनि तरकारी, फलफूल र अन्य खेती गर्न सकेका थिएनन्, उहाँले भन्नुभयो, पोखरी निर्माण पछि अहिले माखोजाका सबै किसान खेतीमा सक्रिय छन् ।

सिँचाइका लागि प्रशस्त पानीको स्रोत नभएका ठाउँमा सानो पानीको मुहानलाई संरक्षण गरी पोखरी निर्माण गरेर थोपा सिँचाइ विधि अपनाउन सकिने भएकाले किसानको सोच यसतर्फ बढ्दैगएको हो । थोपा सिँचाइमार्फत व्यावसायिक कृषि खेती गरेर राम्रो आम्दानी गर्न सकिने सम्भावना रहेको र थोपा सिँचाइ प्रविधि निक्कै प्रभावकारी हुने अगुवा किसान बताउँछन् ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Clean Nepal is possible as over 23 million people are willing to contribute: Khem Sharma

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Pratibedan Baidya