एमाले–माओवादी एकता संयोजन समितिको बैठकले गर्यो यस्ता तीन निर्णय
काठमाडौँ, माघ ७ गते । नेकपा एमाले र माओवादी केन्द्रकाबीच पार्टी एकता गर्न शिर्ष नेताहरु सम्मिलित पार्टी एकता संयोजन समितिको बैठक सकिएको छ।
बैठकले प्रदेश सरकार गठन र राष्ट्रियसभा निर्वाचनका लागि गठित कार्यदलको रिपोर्ट अनुमोदन गर्ने निर्णय गरेको एमाले नेता सुवास नेम्वाङले बताए । उनका अनुसार अनुसार बैठकले साझा चुनावी घोषणापत्रमा उल्लेखित विकास र समृद्धिको एजेण्डा कार्यान्वयन गर्ने भन्दै समितिले नयाँ कार्यदलको गठन गरेको छ। कार्यदलमा एमालेका भीम रावल, युवराज खतिवडा, विजय पौडेल छन् भने माओवादीबाट वर्षमान पुनसहित तीन जना छन् ।
यस्तै, समितिको बैठकले दुई पार्टीका अध्यक्षबीच जारी छलफललाई निश्कर्षमा पु¥याएर वैचारिक र सांगठनिक कार्यदल बनाउने समेत निर्णय गरेको छ।
निर्णयहरू यस्ता छन् :
(१) प्रदेश सरकार गठन र राष्ट्रिय सभा निर्वाचनका लागि गठित कार्यदलकाे रिपाेर्ट अनुमाेदन गर्ने
(२) साझा चुनावी घाेषणा पत्रमा उल्लेखित विकास र समृद्धिकाे एजेण्डाकाे कार्यान्वयनका लागि गृहकार्य गर्न नयाँ कार्यदल गठन गर्ने
(३) एमाले अध्यक्ष केपी अाेली र माअाेवादी अध्यक्ष प्रचण्डबीच जारी छलफललाई निष्कर्षमा पुर्यार्इ वैचारिक र सांगठानिक कार्यदल बनाउने
त्यस्तै, ओली निवासको बैठकले वाम गठबन्धनको साझा घोषणा पत्रमा उल्लेख भएको सुशासन र समृद्धिको लक्ष्य हासिल एमाले उपाध्यक्ष बामदेव गौतमको संयोजकत्वमा ७ सदस्यीय कार्यदल गठन गरेको छ ।
एमाले भीम रावल, डा. विजय पौडेल, युवराज खतिवडा र माओवादीबाट वर्षमान पुन, गिरिराजमणि पोखरेल र डा. मीनबहादुर श्रेष्ठ सदस्य रहेको प्रचण्डको सचिवालयले जनाएको छ ।
जसअनुसार राष्ट्रिय सभा सदस्यमा एमालेका तर्फबाट २९ जना र माओवादीबाट १४ जना रहने पनि संयोजन समितिले निर्णय गरेको छ ।
प्रदेश सरकार, मूख्य मन्त्री, सभामुखलगायतका पदहरुको विषयमा रिपोर्ट पेश गर्न कार्यदललाई थप समय पनि दिइएको छ ।