कालिकोट महामारी तत्काल नियन्त्रण गर्न स्वास्थ्यमन्त्री बाेहराकाे निर्देशन
काठमाडाै । दुई सातादेखि फैलिएको भाइरल ज्वरोले कालिकोटमा महामारीको रुप लिएपछि स्वास्थ्यमन्त्रालयको ध्यानकेन्द्रीत भएकाे छ । केहि दिन पहिले जाजरकाेटमा फैलिएकाे भाइरलज्वराेले १३ जनाकाे ज्यान लिएपछि स्वास्थ्य मन्त्रालय अात्तिएकाे थियाे ।
त्याे घटना सेलाउन नपाउदै कालिकाेटमा महामारी फैलिएपछि नियन्त्रण गर्न स्वास्थ्य मन्त्रालयले जिल्ला जनस्वस्थ्य कार्यालय कालिकोटलार्इ प्रभावित क्षेत्रमा गएर एक्सन लिन निर्देशन दिएकाे छ ।
औषधि सहितको चिकित्सक टोली प्रभावित क्षेत्रमा खटाइ सकिएको स्वास्थ्यमन्त्रालयले जनाएकाे छ । महामारिले चर्को रुप लिन नदिन स्वास्थ्यमन्त्रालय सचेत रहेको स्वास्थ्यमन्त्री दिपक बाेहराले बताए । उनले जिल्लामा उपलब्ध स्रोतसाधनले नभ्याए मन्त्रालयको टोली नै खटाउने जानकारी दिए ।
महामारी फैलिएको खाडाचक्र नगरपालिका ४ ताडी घटाली गाँउसहितका टोलबाट ६ जना बिरामीको स्याम्पल काठमाडौ ल्याइएको छ । खाडाचक्र २ र ४ नम्बर वडामा परीक्षण गर्दा ८ सय १४ जना बिरामी फेला परेकाे मन्त्रीका स्वकीय सचिव निराजन बमले खबरडबलीलार्इ बताए ।