लमजुङमा वातावरणमैत्री साइकल ¥याली
बेलिना थापा / लमजुङ, साउन २५ गते । वातावरण संरक्षणका लागि लमजुङमा साइकल ¥याली सञ्चालन गरिएको छ ।
प्रथम हामखोला झरना (वाटरफल) फेस्टिबलको अवसरमा लमजुङको बेसीसहरबाट खुदी–भुलभुले हुँदै ङादीसम्म उक्त ¥याली आयोजना गरिएको हो ।
फेस्टिबल उपसमितिका संयोजक प्रमोद घलेका अनुसार बढ्दो वातावरण प्रदूषणलाई न्युनिकरण गर्न वातावरणमैत्री साइकल ¥याली गरिएको हो ।
यसले युवाको शारीरिक र मानसिक रुपमा फाइदा पु¥याउने उहाँले बताउनुभयो ।
उहाँले भन्नुभयो–‘पेट्रोल र डिजेलले सवारी साधन चलिरहेको छ ।
यसले धुवा धुलो फैलाउने गरेको छ । यसले वातावरण प्रदूषण भएको छ ।
नजिकको यात्रामा अन्य सवारी साधन भन्दा साइकल उपयुक्त हुने सन्देश दिन ¥याली गरिएको हो ।’
उपसमितिका सचिव रवि थापाका अनुसार उक्त ¥याली बेंसीसहरबाट ङादीमा पुगेर टुंगिने छ ।
ङादीसम्म करिव १५ किलोमिटर छ । साइकल ¥याली लमजुङका २५ जना युवा सहभागि छन् ।
मस्र्याङ्दी गाउँपालिका ८ भुलभुलेस्थित हामखोला झरनामा युवा लक्षित वाटरफल फेस्टिबल सञ्चालन गरिरहँदा युवाकै लागि साइकल ¥याली गरिएको उहाँले बताउनुभयो ।