बोनिता शर्मा विश्वका शक्तिशाली सय महिला भित्र पर्न सफल

काठमाडौं, असोज २९ गते । पोषण सुधार अभियन्ता बोनिता शर्मा सन् २०१९ को विश्वका शक्तिशाली सय महिलाको सूचीमा पर्नुभएको छ । ब्रिटिश ब्रोडकास्टिङ कोरपोरेशन(बीबीसी)ले सार्वजनिक गरेको विश्वका सयजना प्रेरणादायी र प्रभावकारी महिलाको सुचीमा नेपालकी बोनिता शर्मा पर्नुभएको हो ।

अभियन्ता शर्मालाई बीसीसीले ज्ञानको सूचीमा राखेको छ । बीबीसीले सय महिलालाई छ श्रेणीमा विभाजन गरेर सूचीकृत गर्दै आएको छ । पृथ्वी, ज्ञान, नेतृत्व, रचनात्मकता, खेल तथा परिचय गरी छ प्रकारमा विभाजित श्रेणीमध्ये शर्माले आफ्नो ज्ञान र सोचाइले पोषण सुधारका लागि गर्नुभएको योगदान प्रशंसनीय रहेको बीबीसीले जनाएको छ ।

बीबीसीले सूची सार्वजनिक गर्दै कुपोषणले बालबालिकामा हुने मृत्यु घटाउन शर्माले काम गर्दै आएको उल्लेख गरेको छ ।

२७ वर्षिया शर्मााले सोसल चेन्जमेकर्स एन्ड इनोभटस(सोचाई) नामक संस्था स्थापना पोषण सुधारका कार्यक्रमहरु सञ्चालन गर्दै आउनुभएको छ । संस्थाले भोकमरी र कुपोषण अन्त्य गर्ने लक्ष्य राखेको छ । शिक्षा र सामाजिक उद्यमशीलतामार्फत् पोषण र स्वास्थ्य सुधारमा केन्द्रित भएका कार्यक्रमहरु सञ्चालन गर्ने गरेको छ । शर्मा भन्नुहुन्छ, “‘पोषण र महिनावारी माला’ ल्याएर सुरु गरेको जागरणबाट एक हजार पाँचसय जना आमा र तीन हजार किशोर किशोरी प्रत्यक्ष लाभान्वित भएका छन् ।” सोचाइले आफ्नो स्वयंसेवकसँगै स्वास्थ्य केन्द्रमा कार्यरत तीनसय जना महिला स्वयंसेवीलाई पनि जोडेको छ ।

हातमा बाँध्न सकिने पोषण मालामा २१ वटा दानाहरु रहेका छन् । विभिन्न संख्या लेखिएको मालाका दानाले बच्चाको उमेर र दानाको रङले खानेकुरा जनाउँछ । दानाले कुन उमेरमा बालबालिकालाई कस्तो खाना खुवाउने सुत्केरी आमालाई सरल बनाउँछ ।

शर्मा भन्नुहुन्छ, “पोषणमाला गर्भवती र सुत्केरी महिलालाई दिन्छौं र महिनावारी माला किशोरीलाई दिन्छौं ।”

यसअघि पनि उहाँ विभिन्न पुरस्कारबाट पुरस्कृत हुनुभएको छ । वर्ष २०१६ मा “एशिया प्यासिफिक युथ इनोभेशन च्यालेन्ज” बाट पुरस्कृत भएपछि समूहमा मात्रै सिमित रहेको आफ्नो अभियानलाई संस्थागत् रुप दिन पुगेको बताउनुहुन्छ । शर्मा, मई २०१९ मा ‘लिड २०३० च्यालेन्ज’बाट पचास हजार अमेरिकी डलरबाट पुरस्कृत हुनुभएकाे थियाे । उहाँलाई महिला शिक्षाका लागि यूनेस्कोको मलाला कोषले पनि सहयोग गरेको छ ।

बीबीसीसँगकाे अन्तवार्तामा शर्माले भन्नुभएको छ, “स्वास्थ्य, शिक्षा र पोषणमा असमान पहुँचले व्यक्तिहमा भारी मात्रामा नकारात्मक प्रभाव परेको छ, र परिवर्तनका लागि थुप्रै महिला र केटी लागेका छन् । र मैले विश्वास गरेको छु – प्रत्येक महिला र बालिकाले विभेदरहित तवरले पूर्ण सक्षम जीवन बाँच्न पाउनेछन् । भविष्यमा महिलाको नेतृत्वमा विश्वको सामाजिक आर्थिक रुपान्तरण हुँदैछन् ।”

शर्मा भन्नुहुन्छ, “विश्वकै शक्तिशाली महिलाहररूको समूहमा परेपछि हाम्रो अभियान ‘ग्लोबली रिकोग्नाइज्ड’ भएको छ, अागामी दिनमा अभियान सञ्चालनमा अझै सहज र सहयोग पुग्नेछ ।”

Related News

Comments are closed

TOP NEWSview all

Nepal beats Netherland By 9 wickets

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter