पारिको होइन वारिको फूलमाला

भैरहवा, कात्तिक ५ गते । तिहार नजिकिँदै जाँदा व्यावसायिक रूपमा फूल नर्सरी तथा पसलमा सर्वसाधारणको भीड लाग्न थालेको छ । एक हप्ताअघिसम्म पनि सुनसान देखिने नर्सरी तथा पसलमा केही दिनयता मानिसको बाक्लो उपस्थिति देखिन थालेको हो । गाउँघरमा तिहारका लागि आफ्नै घर आँगनमा फूल उपलब्ध हुने गरेको भए पनि सहरी क्षेत्रमा व्यावसायिक रूपमा नै खरिद बिक्री हुने गरेको छ । बढ्दो जनघनत्वका कारण ठूला सहरमा फूलमालाको व्यापारसमेत पछिल्लो वर्ष बढ्दै गएको छ । व्यावसायिक रूपमा नै फूलको कारोबार बढेको व्यवसायी बताउँछन् ।

यस वर्ष तिहारलाई लक्षित गरी सिद्धार्थनगर नगरपालिका वडा नम्बर ९ गोनहियामा रहेको विन्ध्यवासिनी मन्दिर क्षेत्रमा सयपत्री फूलको व्यावसायिक खेती सुरु भएको छ । भैरहवामा रहेको नेपाल बहुमुखी सहकारी संस्थामार्फत कृषि परियोजना सञ्चालन गरी तरकारी एवं फलफूल खेती गरेर अहिले व्यावसायिक रूपमा सयपत्री फूल तयार भइरहेको संस्थाका सेयरधनी सुशील पौडेलले जानकारी दिनुभयो ।

हामीले सुरु गरेको कृषि परियोजनामा अन्य तरकारी फलफूलसँगै यस वर्षदेखि फूलको खेती पनि गरेका छौँ । तिहारमा मात्रै ६० हजारको फूल बेच्ने योजनामा छौँ, यसले केही मात्रामा भए पनि भारतसँगको व्यापार घाटा कम गर्न मद्दत हुने विश्वास छ, उहाँले भन्नुभयो, “दैनिक आवश्यकता अनुसार ७–८ जना कामदार र एक जना स्थायी कर्मचारी राखी काम सुरुवात गरेका छौँ । स्थानीय सरकारले पनि ट्याक्टर, पानी तान्ने मोटर पम्प अनुदानमा सहयोग गरेको छ ।”

‘पारिको होइन, वारिको फूल माला’ अभियानका साथ यहाँका किसानले फूल खेती गरिरहेको पौडेलले बताउनुभयो । केहीले अग्रिम अर्डर पनि दिनुभएको छ, माग अत्यधिक छ, यो वर्षको मागलाई दृष्टिगत गर्दै आगामी दिनमा खेती विस्तार गर्दै लैजाने योजना छ, उहाँले भन्नुभयो । तीन महिनाअघि सुरु भएको सहकारीको कृषि परियोजनाअन्तर्गत त्यहाँको तीन बिघाभन्दा बढी जग्गामा अहिले विभिन्न तरकारी, केरा, मेवा, कागतीसँगै सयपत्री फूलको व्यावसायिक खेती सुरु भएको छ । सयपत्री फूल मात्रै करिब १० कट्ठा जग्गामा एक हजार पाँच सयभन्दा बढी बेर्ना लगाइएको र अहिले फुलेर ढकमक्क भइसकेको पौडेलले बताउनुभयो ।

Related News

Comments are closed

TOP NEWSview all

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter