दक्षिण एशियाकै लामो महाकाली नदिको मल्टिस्पान झोलुङ्गे पुलको मर्मत

कञ्चनपुर, पुस १९ गते। दक्षिण एशियाकै लामो मानिएको महाकाली नदीमाथिको मल्टिस्पान झोलुङ्गे पुलको मर्मतको गरिएको छ ।

भीमदत्त नगरपालिकाको समन्वयमा सुदूरपश्चिम प्रदेश सरकारले खाम्पाचेर देवभूमि कन्सट्रक्सन डडेल्धुरालाई रु ५० लाखमा ठेक्का दिई जीर्ण झोलुङ्गे पुलको मर्मत कार्य पूरा गरिएको कन्स्ट्रक्शनका सञ्चालक डम्बरदत्त भट्टले बताए ।

उनका अनुसार पुलका २८८ वटा स्टिल डेक, ६० वटा आइबोल्ट र तारजाली फेरिएको छ ।

“पुलमा रहेका १२ वटा सेक्शनका नट बोल्ट फेर्नाका साथै सस्पेन्डरको मर्मत गरिएको छ । पुल जीर्ण बन्दै गएपछि ठाउँठाउँमा स्टिल डेकहरु टुटेका थिए । पुलमा लगाइएका नटबोल्ट खस्ँिकदा दुर्घटनाको सम्भावना बढ्दै गएको थियो ।

पुल मर्मत भएपछि सहज रुपमा आवतजावत गर्न सहज भएको चाँदनीका स्थानीयवासी रामबहादुर बुढाले बताए ।

मङसिर २१ गतेदेखि ठेकेदार कम्पनीले पुल मर्मतको कार्य शुरु गरेको थियो । डेढ दशकअघि निर्माण भएको पुल एक हजार ४५२ दशमलव ९९६ मिटर लम्बाइको रहेको छ ।

झोलुङे पुल सदरमुकाम भीमदत्तनगर ओहोरदोहोर गर्ने महाकाली नगरपालिकाका बासिन्दाको नदी पार गर्ने एकमात्रै माध्यम रहेको छ । हाल महाकाली नदीमा पक्की पुल निर्माणको कार्यसमेत शुरु गरिएको छ ।

Related News

Comments are closed

TOP NEWSview all

Kami Rita scales Everest 25 times; Tourism Ministry appeals not to disseminate fake information

Humla section of Karnali Corridor built in timeframe

Nepal’s Kushal Bhurtel nominated for ICC Men’s Player of the month award

Nepal climbs a notch up in T-20 ranking and ranked 13th

US pledges $8.5 million to Nepal to fight against COVID-19 pandemic




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter