जर्मनी र युएईमा नेपाल भ्रमण वर्षको प्रवर्धन

काठमाडौं, पुस २४ गते । सङ्घीय गणतन्त्र जर्मनीको राजधानी बर्लिन र संयुक्त अरब इमिरेट्सको अबुधाबीमा त्यहाँस्थित नेपाली राजदूतावासको सक्रियतामा ती देशका नागरिकलाई नेपाल भ्रमण गर्न अभिप्रेरित गर्ने उद्देश्यले विविध प्रवर्धनात्मक कार्यक्रम आयोजना गरिएका छन् ।

कार्यक्रमका क्रममा विश्वको सर्वोच्च शिखर सगरमाथा, विश्वशान्तिका प्रतीक गौतमबुद्धको जन्मस्थल लुम्बिनी, विश्व सम्पदा सूचीमा सूचीकृत पुरातात्विक एवं ऐतिहासिक महत्वका स्थलको अवलोकनका साथै प्राकृतिक, सांस्कृतिक, धार्मिक एवं भाषिक विविधताको देश नेपालको जीवनकालमा एकपटक भ्रमण गर्न नेपालका कूटनीतिक अधिकारीले आह्वान गरिएको थियो ।

बर्लिनमा नेपाली राजदूतावासले आयोजना गरेको कार्यक्रममा जर्मनीका लागि नेपाली राजदूत रमेशप्रसाद खनालले २० लाख पर्यटक भित्र्याउने लक्ष्यका साथ नेपाल सरकारले घोषणा गरेको नेपाल भ्रमण वर्ष अभियानलाई सफल पार्न जर्मनीमा रहेका नेपालका मित्र, सरकारी कर्मचारी तथा त्यहाँ बसोबास गर्दै आएका गैरआवासीय नेपालीलाई पर्यापर्यटन, साहसिक पर्यटन, सांस्कृतिक पर्यटन, पर्वतीय पर्यटनलगायत नेपालका प्रमुख पर्यटकीय गन्तव्यबारे प्रचारप्रसार गर्न आग्रह गर्नुभयो ।

त्यसैगरी अबुधाबीस्थित नेपाली राजदूत कृष्णप्रसाद ढकालले पर्यटन वर्ष २०२० को प्रवद्र्धनात्मक कार्यक्रमलाई सम्बोधन गर्दै नेपालको प्राकृतिक सौन्दर्य तथा सांस्कृतिक विविधताबारे जानकारी गराउँदै नेपाल भ्रमणका निम्ति युएईका नागरिकहरुलाई अनुरोध गर्नुभयो ।

उक्त कार्यक्रममा सगरमाथाको सफल आरोहण गरेकी फतिमा देरयानलाई सम्मान गरिएको थियो भने उहाँले नेपालको पर्वतीय पर्यटन र हिमालय शृङ्खलाका मनोरम दृश्यबारे वर्णन गर्नुभएको थियो । रासस

Related News

Comments are closed

TOP NEWSview all

Efforts are underway to send US vaccines to Nepal: Ambassador Khatiwada

Govt. to resume Vaccination Campaign from May 16

CAAN asks not to charge high fare in name of Emergency Flight

NRNA to supply Oxygen Concentrators to Nepal

Kami Rita scales Everest 25 times; Tourism Ministry appeals not to disseminate fake information




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter