थप एकहजार ४५४ सङ्क्रमित पुष्टि, कुल ५१ हजार ९१९ पुग्याे; काठमाडौं उपत्यकाका ६९६ मा सङ्क्रमण
काठमाडौँ, भदौ २६ गते । नेपालमा कोभिड–१९ का एकहजार ४५४ सङ्क्रमितको पुष्टि भएको छ ।
स्वास्थ्य तथा जनसंख्या मन्त्रलायले आफ्नो दैनिक प्रेस ब्रिफिङको क्रममा पछिल्लो चौबीस घण्टामा थपिएका सङ्क्रमितसँगै कुल सङ्क्रमित ५१ हजार ९१९ पुगेको जनाएको छ । पहिलो सङ्क्रमित फेला परेको करिब सात महिनापछि कुल सङ्क्रमित नाघेको हो ।
मन्त्रालयका अनुसार पछिल्लो चौबीस घण्टामा ९७२ जना सङ्क्रमित सङ्क्रमणमुक्त भई घर फर्केका छन् । उक्त संख्यासँगै सङ्क्रमणमुक्त हुने ३६ हजार ६७२ पुगेको छ । सङ्क्रमित निको हुने दर ७१ प्रतिशत पुगेको छ । मन्त्रालयले प्रेस ब्रिफिङमा हाल १४ हजार ९२५ जनामा सङ्क्रमण सक्रिय रहेको जनाएको छ ।
आइसोलेसनमा १४ हजार ९२५ जना र क्वारेन्टिनमा छहजार ७८ रहेका छन् ।
पाँचजनाकाे मृत्युसहित कुल संख्या ३२२
पछिल्लो चौबीस घण्टामा पाँचजनाकाे ज्यान गएकाे छ । याेसँगै काेराेनाकाे कारणले मृत्यु भएकाकाे संख्या ३२२ पुगेकाे छ ।
राससका अनुसार नेपालमा पछिल्लो २४ घण्टामा अहिलेसम्मकै धेरै कोरोना सङ्क्रमित फेला परेका छन् । स्वास्थ्य तथा जनसङ्ख्या मन्त्रालयका अनुसार सबैभन्दा धेरै सङ्क्रमित काठमाडौँ उपत्यकाका छन् ।
काठमाडौँमा ६२०, ललितपुर र भक्तपुरमा ३८÷३८ गरी उपत्यकामा मात्रै ६९६ नयाँ सङ्क्रमित थपिएका छन् । कुल १० हजार ७०१ नमूना परीक्षण गर्दा देशभर आज ४६३ महिला र ९९१ पुरुष गरी एक हजार ४५४ सङ्क्रमित फेला परेका मन्त्रालयका प्रवक्ता प्राडा जागेश्वर गौतमले जानकारी दिनुभयो । यससँगै नेपालमा कोरोना सङ्क्रमितको कूल सङ्ख्या ५१ हजार ९१९ पुगेको छ ।
यस्तै रुपन्देहीमा १०२, चितवनमा ७४, कैलालीमा ६७, मोरङमा ४७, सुनसरीमा ४४, नवलपरासी ३५, कपिलवस्तुमा २८, सुर्खेतमा २६, गुल्मीमा २०, बाँकेमा १८, झापामा १४, प्युठानमा १३, पाल्पा, सिरहा र सङ्खुवासभामा १२÷१२, रुकुमा पूर्व, कास्की र काभ्रेपलाञ्चोकमा ११÷११, सर्लाहीमा सात, डोटी, गोरखा र रौतहटमा छ÷छ, दाङमा पाँच, स्याङ्जा र सप्तरीमा चार, रोल्पा र पर्सामा तीन÷तीन, कञ्चनपुर, सिन्धुली, सिन्धुपाल्चोक, बारा, महोत्तरी र धनुषामा दुई÷दुई, जुम्ला, बर्दिया र धादिङमा एक÷एक सङ्क्रमित थपिएका हुन् ।
पछिल्लो २४ घण्टामा ९७२ जना कोराना मुक्त भई डिस्चार्ज भएका छन् । हालसम्म कुल सङ्क्रमितमध्ये ७०.६ प्रतिशत अर्थात ३६ हजार ६७२ जना कोरोना मुक्त भएका छन् । आज कुल सक्रिय सङ्क्रमितको सङ्ख्या १४ हजार ९२५ छ । तीमध्ये छ हजार ६३४ होम आइसोलेसनमा र आठ हजार २९१ संस्थागत आइसोलेसनमा छन् । क्वारेन्टिनमा रहनेको सङ्ख्या छ हजार ७८ छ । नेपालमा हालसम्म आठ लाख २१ हाजर १८६ नमूनाको पिसिआर परीक्षण गरिएको छ ।
सक्रिय सङ्क्रमितमध्ये १७० जनाको आइसियू र २५ जनाको भेन्टिलेटरमा उपचार भइरहेको छ । प्रदेश १ मा पाँच, प्रदेश २ मा २४, वाग्मती प्रदेशमा १०७, गण्डकी प्रदेशमा पाँच, प्रदेश ५ मा ३३, कर्णाली प्रदेशमा छ र सुदूरपश्चिम प्रदेशमा एक जनाको आइसियूमा उपचार भइरहेको छ । यस्तै वाग्मती प्रदेशमा २२ र सुदूरपश्चिम प्रदेशमा एक जनाको भेन्टिलेटरमा उपचार भइरहेको मन्त्रालयले जनाएको छ ।
सुनसरी, सर्लाही, काठमाडौँ, चितवन र रुपन्देहीमा ५०० बढी सक्रिय सङ्क्रमित उपचारमा रहेका मन्त्रालयले जनाएको छ । यस्तै सोलुखुम्बु, मनाङ, मुस्ताङ, म्याग्दी, डोल्पा, मुगु र हुम्लामा भने सक्रिय सङ्क्रमित छैनन् ।
पछिल्लो २४ घण्टामा कोरोना भाइरस सङ्क्रणबाट पाँच जनाको मृत्यु भएको मन्त्रालयले पुष्टि गरेको छ । मोरङका ४० वर्षीया महिला र महोत्तरीका ६५, धनुषाका ४५, काठमाडौँका ७० र नवलपरासीका ५५ वर्षीय पुरुषको कोरोना सङ्क्रमणबाट मृत्यु भएको छ । यससँगै नेपालमा कोरोना सङ्क्रमणबाट ज्यान गुमाउनेको सङ्ख्या ३२२ पुगेको छ । विश्वभर कोरोना भाइरसका कारण आजसम्म नौ लाख १४ हजार २६६ जनाले ज्यान गुमाएका छन् । दुई करोड ८३ लाख ३५ हजार ६७७ सङ्क्रमितमध्ये दुई करोड तीन लाख ५७ हजार ३९१ निको भएका छन् ।
काठमाडौं उपत्यकाका ६९६ मा सङ्क्रमण पुष्टि
काठमाडौं उपत्यकामा ६९६ जनामा कोरोनाभाइरसको सङ्क्रमणको पुष्टि भएको छ । पछिल्लो चौबीस घण्टामा उपत्यकाका तीन जिल्लामा ६९६ जनामा सङ्क्रमणको पुष्टि भएको छ । काठमाडौं उपत्यकामा पछिल्लो चौबीस घण्टामा थपिएका संक्रमित अहिलेसम्मकै सबैभन्दा बढी हो।
स्वास्थ्य तथा जनसंख्या मन्त्रलायका अनुसार काठमाडौंमा सबैभन्दा बढी ६२० जनामा सङ्क्रमणको पुष्टि भएको छ । ललितपुरमा ३८ र भक्तपुरमा ३८ गरी उपत्यकाका तीन जिल्लामा ६९६ जना सङ्क्रमित थपिएका हुन् । काठमाडौंमा १९४ जना महिला र ४२६ जना पुरुष, ललितपुरमा १७ जना महिला र २१ जना पुरुष तथा भक्तपुरमा १७ जना महिला र २१ जना पुरुष सङ्क्रमितको पुष्टि भएको मन्त्रलायले जनाएको छ ।
पछिल्लो चौबीस घण्टामा अहिलेसम्मकै सबैभन्दा बढी एक हजार ४५४ जनामा सङ्क्रमणको पुष्टि भएको छ । ९७२ जना सङ्क्रमणमुक्त भई घर फर्केका छन् । हालसम्म कुल ३६ हजार ६७२ जना सङ्क्रमित सङ्क्रमणमुक्त घर भई फर्केका छन् । पछिल्लो चौबीस घण्टामा दश हजार ७०१ जनाको आरटीपीसीआर परीक्षण गरिएको मन्त्रालयले जनाएको छ ।