धनगढीमा दुईवटा ओभरहेड पानी टंकी निर्माण
January 11, 2023 | 9:37 pm
प्रकाशविक्रम शाह / धनगढी, पुस २७ गते । धनगढी उपमहानगरपालिकाको वडा नम्बर १ को शान्तिनगर र १२ को जुगेडामा पाँच करोड रुपियाँ बढीको लगानीमा दुईवटा ओभरहेड पानी टंकी निर्माण गरिएको छ ।
नेपाल खानेपानी संस्थान शाखा कार्यालय धनगढीको लगानीमा ४५०/४५० घनमिटिर क्षमताका दुईवटा ओभरहेडपानी टंकी निर्माण गरिएको हो ।
वडा नम्बर १ को शान्तिनगरको ओभरहेडपानी टंकी निर्माणमा दुई करोड २२ लाख ५८ हजार र वडा नम्बर १२ को जुगेडामा दुई करोड १० लाख ४५ हजारभन्दा बढी रुपियाँ खर्च भएको खानेपानी संस्थानका धनगढीका प्रमुख शैलेन्द्रकुमार साहले बताउनुभयो ।
दुईवटै ओभरहेडपानी टंकीको संस्थानका अध्यक्ष गुणाकर भुषाल र महाप्रबन्धक इश्वरप्रसादले बुधबार संयुक्तरुपमा उद्घाटन गर्नुभयो ।
ओभरहेड पानी टंकीको निर्माणकार्य आर्थिक वर्ष २०७६/२०७७ मा शुरु भएको थियो ।