एनसेलद्वारा पलेशालाई १० लाखसहित सम्मान
September 19, 2024 | 8:04 pm
काठमाडौँ, असोज ३ गते । एनसेल फाउन्डेसनले पेरिस पारा ओलम्पिकमा ऐतिहासिक कांस्य विजेता पारा तेक्वान्दो खेलाडी पलेशा गोवर्धनलाई १० लाख रुपियाँ पुरस्कारसहित सम्मान गरेको छ ।
राष्ट्रिय पाराओलम्पिक नेपालको २५औँ वार्षिकोत्सवका अवसरमा आयोजित कार्यक्रमबिच एनसेलले पलेशासहित पेरिस पारा ओलम्पिकमा सहभागी पाँच सदस्यीय टोलीलाई नगद पुरस्कारसहित सम्मान गरेको हो ।
एनसेलले पलेशाका प्रशिक्षक कविराज नेगी लामालाई तीन लाख तथा तेक्वान्दो खेलाडी भरहसिंह महता, पौडी खेलाडी भीमबहादुर कुमाल र पौडी प्रशिक्षक विजेनमान श्रेष्ठलाई जनही एक लाख रुपियाँ पुरस्कारबाट सम्मान गरेको छ ।
खेलाडी र प्रशिक्षकलाई युवा तथा खेलकुदमन्त्री तेजुलाल चौधरीलगायतले सम्मान गर्नुभयो ।